قال الفنان عبد الله مشرف تخرجت من المعهد العالي للتمثيل عام ٦٨ و نور الشريف كان في سنة تانية في المعهد ، و بعد التخرج دخلت الجيش و شاركت في حرب الاستنزاف .
و كان جيشي في الإسماعيلية وتم ترقية المؤهلات العليا إلي ضباط وتمت ترقيتي إلي ضابط وذهبت إلي كتيبة في اسوان و خرجت من الجيش سنة ٧٤ .
وأضاف مشرف خلال لقائه مع الإعلامى دكتورعمرو الليثى، ببرنامج "واحد من الناس"، الذى يذاع على قناة الحياة ، و ذهبت الي مسرح الطليعة اقدم مسرحية وجاء المخرج العالمي يوسف شاهين كي يشاهد الفنانين و كان بالنسبة لينا من لا يعمل مع يوسف شاهين يبقى لم يعمل سينما، و قلدت مشهد في فيلم الأرض لـ المليجى أمام يوسف شاهين ، و عجبه جداً .
وقال الإعلامى عمرو الليثى بمقدمة برنامجه واحد من الناس على شاشة الحياة ، ضيفى فنان بدرجة استاذ فى فن الطيبة تحس إنه جارك أو صاحبك أو حد قريب منك ، نجوميته من نوع خاص جدا ، واستطاع ان يحقق شهرة ونجاح والأهم حب الناس ، خفة دمة مالهاش حدود وموهبته خرافية
مجرد ظهوره على الشاشة بيرسم الابتسامة .
و تابع الليثى أما تجسيده للشخصيات فحكاية مالهاش أول ولا أخر مفيش كاراكتر يعرف يهرب من امكانياته ، ومفيش شخصية قدرت تفلت من قدراتة ، وجوده فى اى عمل بيسيب علامة حتى لو مشهد واحد او جملة واحدة ، مين فينا مش بيحبه ، مين فينا ما بيشبعش من طلته ، مين فينا مش بيصفق له فى مشاهد عبقرية كوميدية ببساطة وعفوية.
