كشف الفنان أحمد العوضي، عن سبب عدم سفره مع زوجته الفنانة ياسمين عبد العزيز، إلى سويسرا في بداية رحلته علاجها، مشيرًا إلى أنه كان لسبب خارج عن إرادته.
وأضاف العوضى خلال حواره مع الإعلامية منى الشاذلي ببرنامج "معكم" المذاع على قناة "سي بي سي"، أنه عندما كتب التدوينة عن مرض ياسمين كان يستهدف أن يدعو الجمهور لها، قائلا: "القدر لا يُرد إلا بالدعاء".
وتابع: "لما هي سافرت إلى سويسرا؛ كان معاها فيزا، وأنا لأ، والموضوع مش سهل يطلع، وخصوصًا إننا كنا في ظروف كورونا، ومش حكاية أروح السفارة أقول إني فنان فهيطلعوهالي، دي إجراءات وبتاخد وقت".
وأضاف أحمد العوضي: "المهم إن يكون فيه حد موجود، سواء أنا أو شريف أخوها عشان نعدي المرحلة، وطالما هي عارفة؛ دي أهم حاجة عندي، وكلام الناس خدته بحُسن نية، إن الناس بتحبنا، ومش بشوفه إنه تصَيُّد لي، ممكن يبقى حب زيادة، وعايزين أحمد مع ياسمين".
وتابع أحمد العوضي: "كنت دايمًا أقولها هنرجع زي الأول، مش بس هنخف"؛ لترد عليه ياسمين عبد العزيز: "هو اللي كان بيمشيني وأنا مش قادرة، عشان أقوم من تاني وأرجع، كان بيشدني أمشى في سويسرا، ويلففني ويطلعني سلالم، وأنا عاملة 4 عمليات في شهرين، مكنتش بقدر أمشي خالص، ولكن كان حريص إني أرجع زي الأول، ويقولي افردي ضهرك، ويشارولي أمشي ازاي، أحمد قضى معايا 3 شهور بينامهم على الكنبة".
