الصحة تجيب عن 5 تساولات حول تطبيق «اطمئن» لتحديد موقف كل مواطن من اللقاح

المهندس ايسم صلاح مستشار وزيرةالصحةوالسكان
المهندس ايسم صلاح مستشار وزيرةالصحةوالسكان

كشف المهندس ايسم صلاح مستشار وزير الصحة والسكان لتكنولوجيا المعلومات، عن عدد من الإجابات والمعلومات الهامة حول  الاستفسار بشأن تطبيق «أطمئن» الذي اطلقته وزارة الصحة كجواز مرورصحي او شهادة «كيو ار كود» اليكترونية تحدد موقف كل مواطن من التطعيم بلقاح كورونا.

ويمكن للمواطن تحميل التطبيق الاليكتروني والسفر به أو استخدامه في حال الدخول لأي مؤسسة حكومية بعد تنفيذ قرارات مجلس الوزراء بشأن منع الموظفين غير المطعمين للمرور لوظائفهم دون شهادة لقاح بدءا من 15نوفمبر الجاري. 

فما هو تطبيق الموبايل «إطمئن»؟

«هو الوسيلة الالكترونية لشهادة تطعيم كورونا بالكيو ار كود بجانب الشهادة الورقية المؤمنة وبمثابة جواز السفر الصحى المصرى مثل  دول العالم ويعتبر نقلة نوعية هنبنى عليها اكتر الايام القادمة ان شاء الله»

هل التطبيق ده هيلغى الشهادة المؤمنة الحالية ؟

«لا طبعا - الشهادة الورقية المؤمنة هتفضل سارية ولكن التطبيق وسيلة اضافية بحانب الشهادة الورقية لكل اللى مش عايز يروح مركز طباعة الشهادات يطبع شهادة ومعاه تليفون ذكى وبيعرف يتعامل مع التكنولوجيا»

وليه عملنا التطبيق ؟

«اولا: للتسهيل على الناس و خاصة بعد قرار مجلس الوزراء بضرورة اثبات تلقى التطعيم قبل دخول المنشأت الحكومية و اماكن التجمعات وبالتالى مش لازم تروح تطبع و هتقدر تنزله على تليفونك وانت قاعد فى البيت.

ثانيا: مهم للربط مع باقى الدول عشان يبقى تطعيمك معترف بيه فى كل دول العالم

ثالثا: لان التطبيق مش ممكن يضيع او يتقطع او يدوب زى الورق 

استراتيجية مصر حاليا فى التحول الرقمى بتحاول تقلل استخدام الورق و تتحول الى  paperless  ودى خطوة فى نفس الاتجاه

نزلت البرنامج وبعدها التليفون اتفرمت أو غيرت الجهاز ؟

هتنزل التطبيق تاني عادي لأن حسابك اتفعل من أول ما نزلته أول مرة.