علق الرئيس عبد الفتاح السيسي، على بعض النماذج من عمليات تطوير الريف المصري، خلال فعاليات افتتاح مجموعة مشروعات إسكان بديل المناطق غير الآمنة، قائلًا: «نريد تسليط الضوء على ذلك في جرايدنا ومجلاتنا والتلفزيون، ويكون فيه تغطية ليها.. خصوصًا أن ذلك الأمر يكون في الريف».
وشدد الرئيس السيسي، على ضرورة النهوض للأفضل، قائلًا: «مش عاوزين تحلموا لبلدكم ولأنفسكم ليه؟.. ليه راضيين بقالب طوب تحطوه وخلاص؟.. إحنا نقدر نغير ظروفنا، بدليل إننا بنقول لو دخلنا على قرية 100 بيت، دور واحد، نقدر نحسن ظروفهم ونطور منهم مثل تلك النماذج.. هتساعدونا لتقديم ذلك؟».
وواصل: «بالمناسبة في الدلتا الجديدة وسيناء هناك تخطيط متكامل.. لأن أنا اللى بعمله.. لأننا بنخطط تخطيط متكامل في كل شيء، بحيث تتواجد كل الخدمات.. لكن في تلك المناطق نعالج أوضاع سابقة، لن تتعالج إلا بتضافر الجهود ونكون مع بعض عشان نغير حياتنا وعشان نحقق حلمنا.. مش عاوزين تحلموا معايا ليه بس؟».
وأضاف «السيسي»: «الإسكان الجديد التي تقدمه الدولة للمواطنين يتيح إمكانية إنشاء نظام صحي للتخلص من المخلفات، على عكس الإسكان القديم، مسترسلا: «المناطق القديمة العربيات مكنتش هتقدر تدخل فيها».
وأكمل الرئيس: «مصر تتفاوض منذ 3 سنوات مع شركات نظافة للتخلص من أزمة المخلفات والقمامة، متابعًا: «أنا بقول كده عشان تعرفوا».
وتابع: «أنا عايز أكمل فرحتنا بالمناطق الجديدة.. عايز أكمل الفرحة بأن ميكونش عندنا حاجة مش نضيفة.. محدش يفهمني غلط..أنا بتناول أزمة المخلفات عشان نوصل لحل».
وتحدثت الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة، عن البناء غير المخطط وآثاره علينا، مضيفًا: «نحتاج لعمل برنامج نظافة كويس.. وسنواجه مشاكلة البناء غير المخطط.. وفي هذه الحالة أمامي خيار من اثنين، يا أشوف وأسكت.. يا أشوف واشتغل.. وأنا معرفش أسكت وأنتوا متسكتوش ولازم أحل القضية.. حيث أن حجم المخلفات التي تصدت لها الحكومة في الـ3 سنوات الماضية 2.8 مليون طن.. ودي مش قضية رئيس ولا حكومة بل دولة وناس».
وأشار الرئيس عبد الفتاح السيسي، إلى أن البعض يرغب في البناء بجوار أرضه فيجد أن جيرانه ومن حوله يرغبون فى نفس الأمر معقبًا: «أنت كده بتاكل في أرضك اللى هي الأرض الخضراء اللي بتطلع إنتاج وفلوس ليك ولغيرك والبلد».
وقال الرئيس عبد الفتاح السيسي موجهًا حديثه للمواطنين والإعلاميين: «يجب أن تتوقفوا وتنظروا لما تقوم به الدولة من مشروعات».
ولفت الرئيس السيسي، إلى أن مشروع «أهالينا 5» كان عبارة عن مزارع يعمل بها المواطنين، ولذلك قررنا أن نستفيد من تلك الأراضي من خلال إقامة مشاريع لخدمة المواطنين بجانب الإسكان.
وأضاف: «أنا بقول كده عشان الحكومة تساعدنا.. الأراضي دي بتتاخد للناس وبتتكلف كتير عشان نساعد الناس، وما تقوم به الدولة الآن لا يظهر للجميع ولذلك يجب للجميع أن يتوقف أمام ما نقوم به».
وقال الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة: «بعض الأماكن دي على جسر السويس وكانت عبارة عن مزارع دواجن قديمة.. وكانت غير مستخدمة، وقولنا هنستفيد بالأراضى اللي تبع الحكومة أو المحافظة أو الوزارات المختلفة لعمل مشاريع للناس تتضمن إسكان ومناطق حرفية لتحقيق العمل بجانب السكن».
وواصل الرئيس السيسي: «بقول كده للحكومة عشان يساعدونا.. عشان نؤكد أن ده بناخده للناس، وبنعمل ده بتكلفة كبيرة من أجل التغيير».
