فور عرض أولي حلقات حكاية «ماريونيت» من الموسم الثاني من مسلسل « ورا كل باب»،عبر شاشة قناة الحياة، نشر الفنان محمود عبد المغني عبر صفحته الرسمية علي موقع التواصل الإجتماعي تدوينة ليعبر فيها عن سعادته بعرض العمل.
التدوينة جاء فيها «حوار درامي بينه وبين زوجته مروة دينا فؤاد» بأحداث المسلسل وجاء نصه .. _ انت مش رايح الشغل النهاردة و لا ايه ؟.
هو انا اقعد تقولي قاعد ليه انزل تقولي مابتقعدش ليه ، في ايه يا مروة انا مابقتش فاهمك و لا قادر اتحمل ضغطك المستمر ضغطي .. هو أنا لما أقولك على مشاكلنا اللي لازم تتحل أبقى بضغط عليك ، لما احاول أفهم مالك وأفهم جوزي متغير ليه ابقى بضغط عليك».
وأستكمل «طيب تقدر تقولي عملت ايه في مصاريف مدرسة زينة واشتراك النادي اللي ما اتدفعش والبنت مش هتقدر تروح التمرين بسبب كدة ، ده غير إن حضرتك ما تعرفش عننا حاجة أصلا ، طب فاكر عيد ميلاد بنتك اللي كام من كام يوم ، احنا بقينا برة حساباتك يا حازم ..
= انتي شايفة كدة !!! انا شايفة إنك مابقيتش حازم جوزي اللي حبيته واتجوزته وانتي مابقيتيش مروة اللي بتحس بيا من غير ما اتكلم.
وعقبت الفنانة دينا فؤاد بخفة دمها المعهودة علي بوست محمود عبد المغني «انتا السبب في كل اللي وصلنا له» ونال تعليقها تفاعل كبير من المتابعين.
وتدور أحداث الحكاية في إطار 5 حلقات حول المشكلات التي يعاني منها الأزواج بعد فترة من الزواج بسبب سوء التفاهم فيما بينهم.
«ماريونيت» من بطولة كل من دينا فؤاد، محمود عبد المغني، ميرنا نور الدين، سلوى عثمان، إنتاج شركة سينرجي، وتأليف محمد سيد بشير، ومن إخراج أحمد صالح، وسبق وتم عرض حكايات "كدبة كبيرة" و"عائلة جيجي" و"رق الحبيب" و"قلب مفتوح" من مسلسل "ورا كل باب".
