تحدث عمرو أدهم عضو اللجنة المكلفة بإدارة نادي الزمالك عن أزمة مجلة النادي وإيقاف طباعتها لمدة شهر قادم.
وقال عمرو أدهم في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "البيان الصادر من نادي الزمالك واضح وشافي، قولنا بدون مواربة، وده معناه إن لو في خطأ معين مش بننكره".
وتابع "الاعتراف بالخطأ من شيم البطل، المانشيت الخاص بالعدد مكتوب عليه الزمالك كبير والزمالك فعلا كبير علشان كدة لما شوفنا في خطأ واجهنا الموقف".
وأضاف "اخدنا قرارات وفقًا للثوابت الي هتبقى مرتبطة بينا، اي حد هيخرج عن السياق مش هيكون له تواجد، نحن لا نبالغ ولا نتهاون، سمعنا للأطراف كلها علشان نحدد المسئولية، قد يكون هناك مسئول فردي ولكن المنظومة كلها مسئولة".
وواصل عمرو "اللي أخطأ يتعاقب، بنراجع كل الإجراءات وبنبص على المحتوى، محتوى المجلة جيد لكن عاوزين موضوعية أكتر، بشوف إننا لم نكن موفقين في الخطأ اللي حصل ده والتوقيت احنا مش حابين ندخل أو ننجر في حاجات فرعية".
وأردف "تم تكليفي بمراجعة المحتوى واتجاه مجلة النادي، أنا مش مهني ومش صحفي، لكن لو في منهج علمي بنتبعه هنوصل لنتيجة كويسة، هنقعد وأسمع مع الناس اللي في المجلة ونخرج بتوصيات تكون في مصلحة المجلة والنادي".
