أثارت الفنانة نشوى مصطفي الجدل بين جمهورها بسبب ما نشرته من خلال صفحتها الشخصية عبر موقع التواصل الاجتماعي فيس بوك، حول مسلسل الثمانية.
إقرأ أيضًا | مي حلمي تثير الجدل بقصة حب جديدة| فيديو
حينما أثار اعتراض بعض الجمهور، إستياءها، فقررت الرد عبر موقع الفيس بوك، وقالت " اللى معترض على المسلسل معترض على ايه بالظبط، أظن ممثلين كتير فى مصر يتمنوا يشتغلوا فى المسلسل ده زي ما أى لاعب كورة كان يتمنى يروح يلعب فى بيراميدز، ربنا يوفق الزملا ويحافظ عليهم من شر النق والحسد".
وأضافت، "ألطف تعليق واحد من الزملا بيقول اللي كان ليه نصيب فى المسلسل كإنه طالع إعارة يأمن مستقبله ويرجع يستقر، اللهم ارزقنا الإعارة عاجلاً غير أجل".
واستكملت، "واستكمالاً المسلسل اخراج مخرج كبير أى ممثل يتمنى يشتغل معاه، والمؤلف المشارك فى الكتابة مؤلف محترم ومهم جداً.
ولكن لم تسلم «نشوى» من هجوم الجمهور وبعض زملائها فى الوسط الفني، واتهمومها بكونها تفعل ذلك من أجل الحصول على دور في المسلسل، وللمرة الثانية تقرر الرد وكتبت "بسبب البوست اللي فات فيه أصدقاء بيهاجمونى بالأسلحة الثقيلة، وأحب أوضح أنا مش بجامل حد لأن المسلسل خلاص اتسكنت أدواره وبيتصور، أنا ضد الهجوم على زمايلى، لأنهم فعلاً فنانين كبار، أى منتج يتشرف بالشغل معاهم".
وأضافت "ولما قلت أي ممثل يتمنى يشتغل فى المسلسل ماكذبتش لأن اسم مخرج كبير ومهم زي أحمد مدحت أي حد يحلم يشتغل معاه ، واسم مؤلف زي عمرو سمير عاطف اسم مهم، ولما يكون فيه أسامى ممثلين زي زمايلى فى المسلسل مين ميتمناش يمثل معاهم، ولما يكون انتاج بالحجم ده يبقى عظيم ".
وتسائلت "ايه بقى المشكلة وفين، وطالبت الجمهور" نتفرج على المسلسل لما يتعرض وبعدين ننتقد لكن هجوم وخلاص أظن ميصحش، يومكم طيب وصباح الفل".
ولكن كل ذلك لم يشفع لها، وزادت حدة الهجوم والانتقادات من قبل الجمهور، وعلقت إحدى المتابعين" لا معلش البوست الأول كل كلامك فيه كان إشارة للفلوس ولطال عمره ونادي بيراميدز والنق والحسد علي الفلوس الكتير طبعًا وعلي أنه إعارة فالإعارة ايه غير فلوس بردو وشوية غربة ومرمطة ،وفي الآخر خالص اشرتي للمخرج وللمؤلف".
ولكن يبدو أن الفنانة لم تتقبل الهجوم الشديد عليها فعبرت عن غضبها بكتابة بوست أخر بعد أن هددت بـ«البلوك».
وقالت :"وبعدين بقى طيب اللي حيتجاوز فى أي كلام على صفحتى بعد إذنه حاعمل بلوك، أخر بوست حاكتبه عن مسلسل الثمانية، أنا اسمى نشوى مصطفى ، ممثلة من ٣٠ سنة ، مفيش حد سندنى ولا إدانى فرصة أكبر من اللي استحقها يعنى عملت اسمى بمجهودى من غير مساعدة من حد ، عمرى ورا ضهرى مش قدامى ، يعنى لاحاجامل ولا حنافق حد علشان يدينى فرصة تخلى الناس تعرفنى مادياً الحمد لله مستورة وربنا يديم عليا فضله ".
وأضافت "الهجوم عليا علشان باركت لزمايلى وعلشان قلت أن أي ممثل يتمنى يشتغل فى مسلسل الثمانية لانه فيه مخرج كبير ومؤلف مهم وانتاج عظيم مش فاهمة ليه ؟".
وطالبت الجمهور " ياجماعة نشجع مش نهاجم ياجماعة الفن مالهوش وطن يارب المنتجين تكتر يارب الأعمال الفنية تزيد يارب الفن يجمع مش يفرق يارب نتفرج الأول وبعدين ننتقد ونهاجم خلينا متحضرين بقى والسلام عليكم ورحمة الله وبركاته".
