أشاد الرئيس عبدالفتاح السيسي، بقصة كفاح السيدة ناهد سائقة تروسيكل، قائلا: "اللي بطوله بعمله، فيه ناس مش بطولها، فبقول للمسؤولين اتعاملوا أو تقولولي وأنا أعمل"، موجهًا الشكر لأسرة البرنامج على عرضهم مثل هذه النماذج.
اقرا ايضا .. «الأمن العام» يضبط المتهم بإطلاق النار على قوة أمنية بأسوان
وأضاف السيسي خلال مداخلة هاتفية مع الإعلامي عمرو خليل، والإعلامية ريهام إبراهيم، في برنامج "من مصر" المذاع على قناة cbc، اليوم الأحد: "أنتوا بتبينوا قد إيه هي الأم، بتظهروا قيمة الأم، شوفوا الأم عاملة إزاي؟، والله أنا بتمنى أعمل كل حاجة حلوة لمصر، خاصة للناس اللي ظروفها صعبة، زي المثال ده، ومنه كتير في مصر".
وأكد الرئيس: "إحنا بلد ظروفنا كده، إحنا الدولة مش غنية، بس على الأقل يبقى بقلوبنا وإرداتنا على قد ما ربنا يقدرنا".
وأشاد الرئيس عبد الفتاح السيسي، بقصة كفاح إحدى السيدات التي تُربي 5 فتيات، قائلًا: " منفش تبقى بتجري عليهم كده وإحنا قاعدين نتفرج، ربنا يديها الصحة، الفتيات دول محتاجين رعاية، عشان بعد كده هيبقوا 5 أُسر".
وتابع: "هندبر كل اللي هي عاوزاه، وتستحقي كل خير، وكل ست تعمل كدة تاج على راسنا كلنا وتشرفنا، أنا عاوز أقول النقطة دي، أحترم أوي الست المصرية، كل ست أنا مش شايفها، بقول للمسؤولين في المحافظة والمحليات خلوا بالكم من أهلكم، خلوا بالكم الست دي عرض، وإحنا مسؤولين عنها".
