أزمة جديدة سببها مراسل قناة «الرشيد» العراقية، بين مطربي المهرجانات، والفنان سعد الصغير.
ونشر عمر كمال مغني المهرجانات على حسابه بموقع «فيسبوك» مجموعة صور لأرقام مشاهدات عدد من أغنياته مع حسن شاكوش وحمو بيكا، وعلق عليها، قائلا:" في مطرب شعبي بيقول علينا إننا تاريخنا أغنية واحدة!".
واستطرد عمر كمال، قائلا:"بيقول علينا لو مشينا جمبه في الشارع محدش يعرفنا.. وبيقول بنت الجيران بـ 2 جنيه وملهاش لازمة.. واحنا معملناش أي تاريخ يذكر.. وأنا بقولك دول شوية نجاحات" في إشارة إلى ملايين المشاهدات لأغنياتهم.
ووجه عمر كمال رسالة إلى سعد الصغير رغم عدم ذكر اسمه في منشوره، قائلا:"أنا بحترمك عشان كلت في بيتك عيش وملح.. ومش هقولك إن تاريخك كله ميجيش مشاهدات أغنية زي عود البطل مثلا أو الـ x6".
وأوضح: " بس هقولك احترمنا عشان احنا إخواتك الصغيرين.. وبنحترمك وبنحترم أي حد أكبر وأقدم مننا في الشغل ودي أرزاق وده وقتنا.. وأكيد غيرنا هيطلع بعدنا زي ما كنت انت في يوم بنتفرج على نجاحك وبنحبك".
وكان سعد الصغير، قد أكد في تصريحات للبرنامج إن المهرجانات لن تسحب البساط من أي مطرب شعبي.
وأوضح سعد الصغير أن حسن شاكوش لا يحيي الأفراح مثل عمر كمال، لأن صحيفته الشخصية لا تسمح بذلك، قائلا:" طول منا كل يوم شغال فرحين واتنين وتلاتة فهما لم يسحبوا البساط مني".
واستطرد:" حمو بيكا ليس أشهر مني.. ولو خدناهم كلهم وروحنا العراق ميعرفهوش.. وأنا أشهر منهم بكتير"، موضحا:" بنت الجيران اتعملت بـ 2 جنيه أو بألفين جنيه.. ولو الأغنية محققتش نجاح ندخل على اللي بعدها".
ونفى سعد الصغير أنه يغار من حسن شاكوش وعمر كمال قائلا:" دول صحابي.. ولو سألتهم هيقولك سعد الصغير هو عم الشغلانة.. وأنا لسه الأستاذ".
