«شتمت أمين الشرطة لأنه كان عايز يضربني على وشي برجله».. اعترافات مثيرة لـطفل المرور في تحقيقات النيابة والتي قررت محكمة جنح الطفل بمحكمة الأميرية حجز الحكم عليه وعلى 3 من أصدقائه بجلسة 20 ديسمبر الجاري.
وجاءت نص أقواله كالتالي:
س: في أي مكان كنت قبل ارتكاب الواقعة؟
ج: أنا في اليوم ده كنت في المدرسة.
س: ومتى غادرت المدرسة في ذلك اليوم؟
ج: أنا خرجت من المدرسة في اليوم ده حوالي الساعة 2:45 العصر.
س: وإلى أين توجهت عقب ذلك؟
ج: أنا ركبت أوبر وطلعت على بيت عمو وائل.
س: ما هي طبيعة علاقتك بالمدعو وائل؟
ج: هو صاحب والدي من زمان يعتبر هو اللي مربيني وساعات كثير بروح أقعد معاه.
س: هل كنت بمفردك حال توجهك من المدرسة الخاصة بك إلى مسكن المدعو وائل؟
ج: نعم.
س: من قابلت عقب وصولك؟
ج: كان موجود عم وائل ومراته وبناته الأربعة وكانوا موجودين في أوضتهم عشان محجبات.
س: ما صلتك بالمقطع المرئي محل الاتهام؟
ج: ده الفيديو وأنا سايق عربية عم وائل وبتخانق مع أمين الشرطة.
س: ومن القائم على تصوير وتقديم المقطع لك؟
ج: هو مصطفى تامر صاحبي مصور الفيديو ده من تليفوني، وأنا فوجئت بالفيديو على فيسبوك.
س: ومن القائم على نشر ذلك الفيديو المرئي على موقع فيس بوك؟
ج: ما اعرفش أنا سألت أصحابي وقالوا لي ما يعرفوش.
س: ما قولك فيما شهد به المجني عليه بتحقيقات النيابة العامة من أن الواقعة حدثت الثانية عشرة ظهرا، وقيام رفقائك بتوجيه عبارات التهديد والوعيد له فضلًا عن قيامكم جميعا بالعودة مرة أخرى مترجلين وقيام أحدكم بتصويره وتهديده؟
ج: ما حصلش واحنا ما رجعناش لأمين الشرطة غير مرة واحدة لما رحت علشان أعتذر له وبالنسبة للتوقيت زي ما قلت كان بعد المدرسة.
س: ما قصدك من ارتكاب الواقعة؟
ج: كان قصدي ألف بالعربية شوية وأرجّعها والحركة دي أنا مفكرتش فيها علشان أنا مش معايا أي رخصة، ولما شتمت أمين الشرطة علشان كان عايز يضربني برجله على وشي بس جات في قائم العربية.
