تصدرت الفنانة الأردنية صبا مبارك، المركز الأول في ترندات موقع المدونات الاجتماعية «تويتر»، وذلك بعد إرسالها رسالة مؤثرة لجمهورها من غرفة نومها.
وجاء نص الرسالة كالتالي: «غريبة الحياة.. بس واضحة وصريحة وبتعطينا علامات احيان بنختار ما نقرأها.. سنين بنضل عايشين برات حالنا.. وعم نركض بالحياة.. وعم بنوسخ هالكوكب عالمهم وعالمش مهم.. وبلحظة بنفكرها مفاجأة، بتذكرنا الحياة انو التفاصيل مش بديهية و انو فش اشي بيتأجل.. الي ما بتعملو اليوم ممكن ما تقدر تعملو بعدين.. بدون اي تشاؤم بكرا مش مضمون.. وازا بكرا كان عتمة بيجوز الي بنحبهم يروحو و يتركوا والأسباب تتعدد».
وتابعت: «احلامنا بتسيطر عليها الأولويات.. وحدتنا بتزيد.. لانو ما تعلمنا نقعد مع حالنا.. ومع هيك و بنص هالجو الغائم عالانسانية.. في احساس دافي عم بيقرب الناس من بعض كمان مرة بكل عزلتهم.. رجعنا نشتاق ونشكر الله عالنعم البسيطة من الهوا والشمس للأكل الي في غيرنا مش ملاقيه للصحة... وكتير اشياء».
«مش قصدي اكون كئيبة ابدا.. انا متأكده انو رح نتجاوز هالمحنة...بإذن الله.. وبس تخلص... نرجع كل فترة ونقعد مع حالنا ونبوس أهلنا ونمشي عالطريق ونشم هوا ونتطلع بعين الناس مش موبايلاتنا.. لكي لا ننسى ❤️ #besafe.. #stayhome if you can afford it».