يقدم الإعلامي خالد جواد برنامج جديد يحمل اسم "كلام في الزحمة" عبر محطة الراديو "نجوم fm"، من الأحد إلى الخميس الساعة الخامسة مساء، بديلا لبرنامج "معاك في السكة" لخالد عليش الذي أعلن رحيله عن المحطة.
وأعلن الفنان والإذاعي خالد عليش عبر صفحته على موقع التواصل الاجتماعي "فيسبوك"، عن سبب رحيله عن نجوم Fm في الخريطة البرامجية في 2019، وذلك بسبب صعوبة في التوقيت وانشغاله بالتمثيل بحسب ما قاله عليش.
وقال نصا: "لكل اللي بيسئل واللي مهتم واللي مش مهتم انا ليه مش في نجوم اف ام السنة دي.. للأسف و ببالغ الحزن و الأسي مش هاكون ضمن فريق نجوم أف ام السنة دي يعني مفيش _معاك في السكة ولا موقف ولا هلي) في ٢٠١٩.
وأضاف عليش قائلا: "أسباب كتير هي السبب في القرار ده منها الميعاد الصعب جدا وخصوصا إني بشتغل حاجات تانية منها إني بمثل وغيره..بس اللي يعرفني كويس في الشغل يعرف إني بحب التجديد دايما ومحبش أقف عند مرحلة معينة من النجاح و خلاص".
وتابع قائلا: "نجاحي في نجوم اف ام مكانش معتمد عليا أنا بس، بالعكس أنا كنت جزء صغير جدا من منظومة اتشرفت إني اشتغلت معاهم من اصغر شخص لأكبر شخص ولآخر لحظة علاقتنا زي الفل يعني مش ماشي بمشكلة ولا حصلت خناقة، عشان الإشاعات المغرضة، وكان من أهم أحلامي اللي عافرت كتير عشان أوصله إني اشتغل مذيع في نجوم اف أم".
واستطرد قائلا: "أنا سايبلكم خالد جواد مكاني عشان الوحيد اللي لقيته اسمه خالد.. ربنا معاه أن شاء الله ونجوم اف ام كلها في ضهره، أنا اسف لكل اللي اتعودو يروحو علي البرنامج و لكل اللي مزاجه بيظبط مع الهلي بس هي سنة الحياة التغيير، مش عايز حد يزعل و عايزيكم تقفوا معايا في خطواتي اللي جاية و بلاش عبارات ليه يامعلم تعمل كده ده انت كنت مكسر الدنيا و لا بصات الشفقة عشان أنا فيا اللي مكفيني".
وختم قائلا: "انتظروا تفاصيل أكتر عن المشروع الإذاعي القادم في الأيام الجاية".
