أعلن الفنان شريف إدريس، عن شفائه وعائلته من فيروس كورونا، بعد عزل منزلي 10 أيام، حيث كتب قائلا: «الحمد لله الحمد لله الحمد لله، أنا ومراتي وعيالي بخير».
ووجه شريف عبر صفحته الشخصية بموقع التواصل الاجتماعي فيس بوك رسالة " صباحكم خير جميعاً، أولاً بشكر ربنا..ثانيا بشكر زوجتي اللي طلع عين اللي جابوها معايا من أول لحظه وكانت متحمله المسؤوليه بالكامل وكانت تحت ضغط عصبي كبير والشكر عالفيسبوك مش كفايه عليها..ثالثا فيه ناس كتييير نفسي اذكرهم بالإسم وقفو جنبي في المحنه دي من أول لأخر لحظه..بس برضه الشكر عالفيس بوك مش كفايه عليهم.
رابعا..انا مش بتاع نصايح بس خدو بالكم من نفسكم وربنا يحفظكم ويحفظ اولادكم وكل حبايبكم..ويارب يشفي كل مريض شكرا ليكم كلكم.
يذكر أن شريف إدريس شارك في دراما رمضان الماضي بمسلسل "قصر النيل" وهو من بطولة دينا الشربيني، ريهام عبدالغفور، صبري فواز، أحمد خالد صالح، أحمد مجدي، صلاح عبدالله، محمود البزاوي.
