أسرار الجمال في 5 إجابات لأسئلة تدور في وجدان كل حواء 

لكل حواء جمالها الذي يختلف عن منافساتها، لكن  
كيف تكونين أجمل؟ هو السؤال الشاغل لبنات حواء، مهما كان عمرها، لذا نقدم في مقالنا اليوم الإجابات التي ستعالج أي مشاكل تؤرقك وتجعلك جميلة الجميلات.

د.سمرو هاشم أخصائية الجلدية والتجميل، أجابت على أهم أسئلة الجمال خلال مشاركتها في مؤتمر skintech الذي عقد في أسبانيا، عن إبر النضارة وأحدث الطرق لحقن skin booster.

عمركِ سألتِ نفسك ليه في ناس بشرتها دايمًا مشرقة وحيوية حتى من غير مكياج؟ السر غالبًا في العناية العميقة بالبشرة، وهنا بييجي دور الـ Skin Booster.

إيه هو الـ Skin Booster؟
الـ Skin Booster عبارة عن حمض الهيالورونيك النقي مع فيتامينات ومعادن مهمة للبشرة، والفرق الكبير بينها وبين الفيلر العادي، لإنها مش بتغير ملامح وشك، لأ دي بتشتغل على تحسّن جودة الجلد من جوه وتخليه صحي ونضر.

إزاي الـ Skin Booster بيشتغل؟
لما بتحقن جوه الجلد، بيرطب البشرة بعمق ويخليها ناعمة ومشدودة، ويحفز إنتاج الكولاجين والإيلاستين، البروتينات المسؤولة عن شباب البشرة، وكمان بيحسن ملمس البشرة ويضيق المسام، فيبان وشك صحي ومتلألئ.

طيب أي هي مميزاته؟
أولا: نتائج طبيعية وواضحة من غير تغيير ملامحك
ثانيا: مناسب لكل أنواع البشرة، حتى الحساسة
ثالثا: تأثيره طويل ويحتاج متابعة بسيطة للحفاظ عليه.

ليه الـ Skin Booster مهم؟
لأن البشرة الصحية مش بس جمال، دي كمان ثقة بالنفس، وكمان الـ Skin Booster هيخلي وشك مشرق، ناعم، ومليان حيوية كل يوم.