يرى البعض أن عملية التسوق عادة مرهقة خاصةً عندما تسعى لتحقيق التوازن بين الأكل الصحي، والتوفير في التكاليف، وتقليل هدر الطعام، إليك كيفية البدء، بمجرد تحديد الوجبات التي ترغب في تحضيرها، أنشئ قائمة مشتريات بناءً على تلك المكونات، رتّبها حسب الفئة أو ترتيب المتجر، مثل الخضراوات والفواكه، والبروتينات، والمجمدات، ومستلزمات المطبخ، ومنتجات الألبان، لتسهيل عملية التسوق.
اقرأ أيضًا | تسوق آمن وذكي.. كيف تستغل الذكاء الاصطناعي في عروض الجمعة البيضاء؟
أهمية التخطيط المسبق
ابدأ بتخطيط بعض الوجبات الخفيفة التي ترغب في تحضيرها خلال الأسبوع، إذ يُعدّ التخطيط للوجبات أساسيًا للحفاظ على التنظيم، والحدّ من هدر الطعام، والالتزام بميزانية مشتريات البقالة. إليك كيفية تطبيق ذلك عمليًا:، وفقا لموقع «healthline».
في السطور التالية سنستعرض إليك خطوة بخطوة كيفية التسوق بذكاء، مع تسهيل الوصول إلى خيارات غذائية صحية:
1- شراء المنتجات الأساسية بكميات كافة
تحضير قائمة تسوق لطلبات بيتك قبل شرائها سيساعدك ذلك بالتعرف على المنتجات التى يحتاجها المنزل بصفة دورية وتشتريها بالجملة مش قطاعي، توفر عدد زيارات السوبر ماركت على مدار الاسبوع، وتتجنب شراء كميات صغيرة بسعر أعلى.
2- شراء الفاكهه في موعدها
عشان تستمتع بطعم الفاكهة وتستفيد بفوايدها، يفضل تشتريها في الموسم بتاعها. استخدم قائمة مكتوب فيها فاكهة الموسم عشان تفتكر تشتريها في ميعادها، لو حابين نحتفظ بفاكهة موسمية طول السنة ممكن نقوم بتجميدها في الفريزر وتكون جاهزة للاستعمال سواء للأكل أو لتحضير العصاير.
3- عدم شراء كمية كبير من السلع سريعة التلف
لتجنّب الاهدار، يفضل شراء أي منتجات سريعة التلف زي الخضار والفاكهة والمخبوزات والجبن بكميات محددة تناسب الاستهلاك المعتاد للبيت، لأن صلاحيتها بتنتهي بسرعة وممكن تتلف قبل الاستخدام لو فضلت متخزنة فترة طويلة، في حالة اننا لسه مش عارفين استهلاكنا، ممكن نسجّل الكميات اللي بنحتاجها على مدار الأسبوع عشان نعرف نقدّر متوسط الكمية. لو اشتريت أكتر من استهلاكك الاسبوعي احفظ الزيادة في الفريزر أو ادمجها مع أكلاتك اليومية، وبكدة نضمن تقليل الهدر.
لتجنّب الاهدار، يفضل شراء أي منتجات سريعة التلف زي الخضار والفاكهة والمخبوزات والجبن بكميات محددة تناسب الاستهلاك المعتاد للبيت؛ لأن صلاحيتها بتنتهي بسرعة وممكن تتلف قبل الاستخدام لو فضلت متخزنة فترة طويلة. في حالة اننا لسه مش عارفين استهلاكنا، ممكن نسجّل الكميات اللي بنحتاجها على مدار الأسبوع عشان نعرف نقدّر متوسط الكمية. لو اشتريت أكتر من استهلاكك الاسبوعي احفظ الزيادة في الفريزر أو ادمجها مع أكلاتك اليومية، وبكدة نضمن تقليل الهدر.
4- الإستفادة من عروض قسم الجزارة
ماتكتفيش بكيلو واحد بس من اللحوم أو الفراخ. اكتب احتياجاتك من اللحوم والفراخ قبل زيارة السوبر ماركت أو الطلب أونلاين، وحدد القطعيّات اللي محتاجها طول الأسبوع أو الشهر واشتريهم مرّة واحدة. شراء البروتينات من اللحوم والفراخ والأسماك بكميات تكفي الشهر بيخليك تستمتع بخصومات وعروض على كميات الكبيرة من اللحوم والفراخ وتجنب الزيارات المتكررة للجزار أو السوبر ماركت، دة غير انه هيديك فرصة تجدد في أنواع البروتين على السفرة.
5- عدم الإكثار من شراء المعلبات
منتجات التخزين زي الزيت، والخل، والتوابل، المكسرات، والبقوليات، والخضار المعلّب أساسيات في أي مطبخ، لأنها بتسهّل تحضير الشوربة والسلطات وبتوفّر وقت ومجهود، دة غير إنها بتضيف نكهات متنوّعة لأطباق الرز والمكرونة المختلفة، لكن المعلبات والأطعمة سريعة التحضير غالباً بتكون غنيّة بالمواد الحافظة اللي أضرارها أكتر من فوايدها، دة غير احتوائها علي كميات عالية من الصوديوم والأملاح أو السكر.
تجنب المعلبات والأكلات سريعة التحضير زي الشوربة سريعة التحضير والنودلز وكومبوت الفواكه واستبدلهم بأكلات صحيّة أكتر وفوايدها أعلى زي المكسرات، الحبوب، زبدة الفول السوداني، والحبوب الصحية زي الشوفان والجرانولا، والخضروات المعلّبة بدون أملاح مضافة، والتونة المحفوظة في زيوت صحيّة.
6- قلل الأطعمة المصنّعة
الأغذية المصنّعة بتكون في أوقات كتير الحل الأمثل لوجبة سهلة وسريعة، لكنها بتحتوي على كميات كبيرة من الصوديوم والأملاح أو السكر وغيرهم من المكوّنات المضرة بالصحة، واللي ممكن ينتج عنها الإصابة بالسمنة وأمراض القلب والسكر وضغط الدم. الشوفان، والعدس أمثلة لأطعمة صحية سريعة التحضير اللي فيها فوايد كتيرة من ضمنها مضادات الأكسدة اللي بتدعم المناعة والجهاز الهضمي.
7- لاتدع الملصقات تخدعك
يعتبر من الهام جدا النظر إلى القيمة الغذائية على المنتجات التى تشتريها، لكن في نفس الوقت لازم تعرف إن مش معنى إن منتج معيّن مكتوب عليه قليل الدسم، أو، بدون إضافة سكر، أو خالي من الجلوتين، إنه مفيهوش مواد تانية مضافة له عشان تعوض الطعم، وممكن يبقى ضررها أكبر. اعرف محتويات المواد الغذائية ومكوناتها حتى تتحكم في كمية السعرات الحرارية التى تدخل جسمك، وتاخد قرارات واعية في أكلاتك، وتختار الأحسن لصحتك.
مشروبات الطاقة.. أضرار ومضاعفات خطيرة
«اللبن المتجمد أم القاطع».. أيهما أفضل للاستخدام
جددي في مطبخك.. طريقة تحضير فيليه اللحم بحشو الخضار
