كشفت الشاعرة منة عدلي القيعي عن مدى تأثرها بتتر مسلسل الأطفال "بكار" مشيرة إلى أن الأطفال في هذا الزمن مظلومين لعدم تقديم مثل هذه الأغاني مؤكدة على تغيير قريب.
وكتبت منة عبر صفحتها الشخصية على فيسبوك قائلة:" انا بقالي فترة بسمع تتر بكار الاتنين، يا ابو كف رقيق وصغير والتاني بتاع من قلبه وروحه مصري (كلمات العظيمة كوثر مصطفي) وبتأثر جدا من جمال الكلام والغناء واللحن والفكرة والهوية والمشاعر والبساطة والرسالة".
وتابعت:" والله العيال في الزمن دا مظلومين مالقوش حاجة يسمعوها بقوا يا بيسمعوا حاجات الاجانب اللي كلها رسايل مسمومة ومدسوسة بتقولهم من حقك تبقي كلب ومن حقك تبقي فيشة والقرف دا" مضيفة:" يا إما بيسمعوا اغانينا احنا الغزالة رايقة وصاحبي يا صاحبي والحب جاني جاني وهكذا ودا لذيذ احيانا طبعا".
وتسائلت قائلة:" بس فين المحتوي اللي بيكلمهم؟.. الحاجات اللي حببتنا في مصر وفنانين مصر ومعاني الانسانية والعيلة واللذاذة والهوية؟" واختتمت حديثها قائلة:" عموما قريب جدا كل دا يتغير ان شاء الله".
وكانت منة عدلي القيعي قد ناشدت جمهورها بعدم إرسال كلمات أغاني لها حفاظا على حقوقهم الأدبية وكتبت عبر صفحتها الشخصية على فيسبوك:" ارجوكوا ماحدش يبعتلي كلمات اغاني والله مش هينفع اقرا شغل حد حفاظا علي حقوقكوا الادبية وعلي مساحتي وحقوقي انا كمان من فضلكوا ماحدش يبعتلي كلمات والله والله مش بقراها".
وتابعت:" انا لو كتبت كلمة "حبيبي ازيك" وحد كان صدفة باعتلي نفس الكلمة دلوقتي مش هتقولوا دي بتاعتي؟ واقعد انا بقي احلف علي مصحف اني ماشوفتهاش وندخل في حتة مش ظريفة ليا ولا ليكوا".
واختتمت قائلة:"انا بعتذر جدا والله نفسي اقدر اساعد كل الناس لكن دي منطقة طول عمرها شائكة جدا جدا عند الكل اعذروني".
انطلاق الأسبوع الثالث لفعاليات "شارع الفن" بمثلث الشريفين وسط القاهرة
سلسلة سيمفونيات عظيمة تتواصل على المسرح الكبير بالأوبرا
إجراءات حاسمة من الثقافة بعد واقعة مثيرة للجدل ببيت ثقافة الخانكة
