بعد قرار منع جلوس السيدات بجوار السائق| ياسمين الخطيب: «اشمعنى الستات»

تطرقت الإعلامية ياسمين الخطيب إلى قرار إدارة مشروع مواقف سيارات الأجرة، التابع لمحافظة البحيرة الذي قضى بمنع جلوس السيدات بجوار السائق في وسائل المواصلات العامة، قبل أن يتم التراجع عنه بعد ساعات قليلة من الإعلان عنه.

وقالت ياسمين الخطيب عبر حسابه بموقع «فيسبوك»، "واحد زعلان إن الست قاعدة فى مواصلة حاطة رجل على رجل، وغيره زعلان إن الست بتقعد جنب السواق! ماحدش فكر فى (الست) نفسها، واشمعنى الستات فقط هي اللي بيصدر ضدها قرارات غير مفهومة!".

وأضافت: «الست اللى راكبة جنب سواق الميكروباص دى، ممكن تكون هربانة من التحرش والزنقة إللى ورا، واللى حاطة رجل على رجل، مش قاعدة فى الصالون بتشرب قهوتها، دى بتشوف قعدة مريحة من كتر التعب!».

واختتمت : «الستات اللى بيركبوا مواصلات دول مش نازلين يتفسحوا.. منهم اللى راجعة من جامعتها، واللى بتجرى على أكل عيشها عشان تأكل ولادها لقمة حلال، ولا تساعد جوزها فى المصاريف، ولا تخفف عن أهلها عبء جهازها! الستات دول تعبانين ومتمرطين، فبدل ما تنظروا عليهم، شوفولهم حلول تسهل عليهم الحياة!».

اقرأ أيضًا | مواقف البحيرة تحظر جلوس السيدات بجوار السائق في سيارات الأجرة والسرفيس