زوجة سامح عبد العزيز: جميلة قدمت فكرة أكبر من سنّها

تحدثت زوجة الراحل سامح عبد العزيز عن علاقتها بزوجها ومراحل النجاح التي عاشتها معه، وذلك خلال حضورها ندوة تكريم ابنتهما المخرجة الشابة جميلة سامح عبد العزيز عن فيلمها "وجع الفراق"، الذي قدّمته لوالدها الراحل. وجاء هذا التكريم ضمن فعاليات مهرجان القاهرة السينمائي الدولي، برئاسة الفنان حسين فهمي.

وقالت زوجة المخرج الراحل سامح عبد العزيز: "سامح بالنسبة لي حاجة كبيرة قوي، وكنت معاه في كل مراحل النجاح هو ماكنش بيدور إنه يعمل فيلم وبس، كان عايز يعمل حاجة حلوة وناجحة، ودلوقتي حسّيت نفس المشاعر مع جميلة، لأنها عايزة تطلع شغل حقيقي، وأنا بعمل معاها نفس اللي كنت بعمله مع سامح.

وتابعت: ولما جميلة عرضت عليَّ الفكرة في الأول ماصدقتش، وكنت حاسة إنها فكرة أكبر من سنّها بكتير. واتصلت بالأستاذ وائل، وكان رد فعله نفس رد فعل خالد، وقالّي: ده أخويا وأنا معاكم. وأنا بشكر كل حد شارك في العمل ده حتى لو بحاجة بسيطة."