بتاع السكسونيا المكان: فى الشوارع

محمد فرغلى

«سكسونيااا» وإيه رأيك يا أيامى
نبدل قلبى ببلاستيك وكروانة 
نبدل ذكريات ماتت بطشت كبير
ويغسلوا فيها أيامنا
صحيح الحزن بيبقّع
لكنه كالسحاب
يمكن..
بيمنع عنّا بعد الشمس نار تانية
صحيح بنعدّى فى الشارع
نبان ساكتين..
وأفكارنا بتعمل دوشة للعصافير وللأشجار
بتعمل دوشة للطوب اللى نام فوق بعض
كإنه فى الصلاة مرصوص
بيدعى بهزة أرضية عشان ينهار
وتورث فطرته الدنيا
ما يتبدلش سكسونيا.
صوت بينادى: روبابكيااا!
أو: بكيا بكيا بكيا!
أو: أى حاجة قديمة للبيع بكيا!
أو: بكيا روبابكيا أى كراكيب قديمة!