شيرين: بكيت في نهاية عرض «المتزوجون».. والمسرح كان بيتي الثاني| خاص

استرجعت الفنانة شيرين، ذكريات مسرحية "المتزوجون"، التي كانت بمثابة علامة فارقة في مشوارها الفني، وقالت إنها لم تتمالك دموعها في آخر ليلة عرض.

وقالت شيرين في تصريحات خاصة لـ«بوابة أخبار اليوم»،: «فضلت أعيط جامد جدًا، ولما بابا سألني ليه، قلت له: كده مش هشوف الناس تاني، أنا متعودة أروح من 8 بالليل لحد 2 أو 3 الفجر.. المسرحية دي كانت بيتي التاني سنين طويلة جوه وبره مصر."

وتحدثت شيرين عن مشهد "الصرصار" الشهير، قائلة: "كنت مريضة وقتها وعندي برد، فطلعت الكلمة بالشكل اللي الجمهورعرفه وضحك عليه. سمير غانم عجبه جدًا الأداء وقال لي: حتى لو مش مريضة، خليكِ مريضة وقوليها كده"

وأشارت شيرين، أن الموقف لم يكن الوحيد الطريف في الكواليس، بل إن "الفرخة" المستخدمة في أحد المشاهد حاولت الهرب أثناء العرض، ما اضطرهم لتبديلها أكثر من مرة بسبب طول فترة تقديم المسرحية.

أما عن كواليس ترشيحها للبطولة، أوضحت  شيرين: "أمير سيدهم، شقيق جورج سيدهم، قال لي إن جورج وسمير طلبوا إن شيرين تكون البطلة، وكانوا وقتها برا مصر.. ومن هنا جاتلي الفرصة."