باسم يوسف: راضٍ عما أنا فيه الآن على الرغم من أن كل شيء ليس كاملاً

قال الإعلامي باسم يوسف، إنه راضٍ عما هو فيه الآن، على الرغم من أن كل شيء ليس كاملا، مشدداً على أنه لا يريد أن يغير في أمره الآن شيئا.

وأضاف خلال فقرته ببرنامج كلمة أخيرة، الذي يذاع على قناة on، الجمهور حاجة كبيرة أوي، وأنا واحد في المجال العام، وبقدم سلعة أو خدمة سخرية كوميديا، كلام على الدايت كلام على السياسة، زي أي حد بيقدم محتوى، كل دي سلع، وفي كل مرة بتقدم المنتج بتاعك بيحصل استفتاء بين المتلقين، وهي دي الشغلانة.

اقرأ أيضا.. مصر تفوز بعضوية مجلس حقوق الإنسان التابع للأمم المتحدة للفترة 2026-2028

وتعليقاً على معارضة مؤيدي الإخوان ومؤيدي ثورة 30 يونيو له: مراتي وولادي والقطط هما اللي بيحبوني، والقطط عشان بأكلها، وأنا أعتقد إن مصر أكبر بكتير أوي وفيها اتجاهات كتير أوي غير الاتجاهين دول بس، وحتى الناس اللي هنا والناس اللي هنا مش كلهم آرائهم واحدة.

وأوضح: أنا كان عندي برنامج، والبرنامج ده له تأثير عشان نسب المشاهدة، وأنا كنت جزءا من المشهد ساعتها، وفي أجزاء تانية من المشهد، ثورات حراك وبرنامج وأحداث وقرارات، وأكيد في ناس بتشتغل في السياسة بتشوف المشهده كله على بعضه وبتستغله لمصلحتها، وده شيء خارج قدرتي وسيطرتي.