خاص| ندى بهجت تكشف أسباب اعتذارها عن 5 مسلسلات

كشفت الفنانة ندى بهجت عن المعايير التي تعتمد عليها في اختيار أعمالها الفنية، مؤكدة أنها تحرص دائمًا على تقديم أدوار مختلفة ومميزة حتى وإن كانت صغيرة، بشرط أن تضيف لها وللمشاهد قيمة فنية.

وقالت ندى بهجت في تصريحات خاصة لـ"بوابة أخبار اليوم": "أنا بحب دايمًا أشارك في أعمال مختلفة، حتى لو كان الدور صغير، لكن الأهم بالنسبة لي يكون مميز وغير تقليدي. مش بهتم أعمل أي دور لمجرد الظهور، بالعكس خطواتي الفنية محسوبة وبطيئة شوية لأني باختار أعمالي بعناية شديدة، وده السبب اللي خلاني أعتذر مؤخرًا عن المشاركة في خمس مسلسلات، وده قرار مش سهل ومحدش يقدر ياخده بسهولة، لكن أنا عملت كده علشان أحافظ على اللي وصلت له وما اشتغلش لمجرد التواجد".

اقرأ أيضا| خاص| رسالة ميمي جمال لـ رانيا يوسف بعد إعلان زواجها من المخرج أحمد جمال

وأضافت: "بعد رفضي حسيت بقلق وخوف من فكرة إن الجمهور ينساني، خصوصًا إن في سنة كاملة ما اشتغلتش فيها، لكن كان عندي عمل بره مصر ولسه ما اتعرضش، وهو مهم جدًا بالنسبة لي، وكمان معظم الأعمال اللي كانت بتتعرض عليا ما كانتش على نفس مستوى أعمال قوية شاركت فيها قبل كده زي مسلسل "الأجهر" ومسلسل "توبة".