ياسمين الخطيب تدافع عن زواج إيناس الدغيدي: «محتاجة ونس ورفيق»

أعربت الإعلامية ياسمين الخطيب عن إستيائها من تعليقات البعض على زواج المخرجة إيناس الدغيدي، مؤكدة أن الزواج ليس حرامًا في أي سن، وأن من حق أي إمرأة أن تختار حياتها كما تشاء.

وقالت ياسمين الخطيب خلال برنامجها «مساء الياسمين» المذاع عبر قناة الشمس: « مش عارفة ليه الناس علقت على زواج إيناس الدغيدي، وبيقولوا إزاي تتجوز وهي عندها 70 سنة ! أعتقد دا مش سنها الحقيقي، لكن حتى لو كدا.. هل دا حرام؟ ربنا ما حرموش، إنتوا بتحرموا ليه؟».

وأضافت ياسمين الخطيب: « إيناس الدغيدي شكلها جميل ورشيقة وأنيقة، ولو في السبعين أتمنى أبقى في ربع حلاوتها وشياكتها. واللي بيتنمرعليها أقوله شوفي نفسك الأول .. للأسف شعب مصر بيعتبر موضوع الزواج، خصوصًا لو يخص المشاهير، كأنه شأن عائلي للشعب كله، ويدخل يعلق ».

واختتمت ياسمين الخطيب: « الزواج مش معناه زوج بيصرف، هو ونس ورفيق يمكن هي محتاجة تكمل معاه باقي عمرها ».