أحمد سعد: استشرت طبيب نفسي بسبب تساؤلات طاردتني منذ الطفولة

كشف النجم أحمد سعد عن سبب لجوئه لطبيب نفسي، بعد شعوره بضغوط عديدة ومشاكل كانت تحول بينه وبين ظهوره بشخصيته الحقيقية، وذلك خلال إستضافته في برنامج "معكم" التي تقدمها الإعلامية منى الشاذلي عبر شاشة on.

وقال أحمد سعد:"أنا بحب الطب النفسي وبحب أروح لدكتور نفسي، وفعلا اكتشفت عيوب في شخصيتي عن طريق دكتور نفسي، كان عندي مشاكل بتخليني مش قادر أشوف نفسي الحقيقية".

وتابع: "أكبر عيب كان في شخصيتي هو إرضاء الآخرين على حساب نفسي، ومبقتش مستمتع بشكل كبير، عندي كل الحاجات الخارجية اللي ممكن تخلي الواحد مستمتع بس مش مستمتع، وكان نفسي أفهم إيه هي المتعة".

اقرأ أيضا| أحمد سعد: «وسع وسع» غيرت حياتي.. بدأت بسخرية وتحولت لنجاح كاسح

أوضح أحمد سعد أنه مر برحلة تساؤلات حول معنى المتعة قائلا: "بحثت في كل الحاجات، هل المتعة إني يبقى عندي علاقة بالدين أو أصحابي، أو أخرج بشكل كبير وآكل أكلة حلوة، واكتشفت إن كل ده مش المتعة، المتعة إنك تكون ذاتك ونفسك، مش مصطنع عشان ترضي الناس حواليك".

وأوضح "سعد" إلى أن تلك التساؤلات شجعته على استشارة طبيب نفسي قائلا: "الأسئلة بدأت تطاردني بشكل كبير، وكان لازم ساعتها أتكلم مع دكتور نفسي. كان في حاجات طول عمري مش متصالح معاها، زي إني وأنا صغير كنت الولد الأصغر في إخواتي، وكنت دايما يبعتوني أجيب لهم الطلبات، وبعمل حاجات كتير مش راضي عنها".

كما تحدث أحمد سعد عن الاستنتاجات التي توصل لها بعد استشارة الطبيب النفسي قائلا: "توصلت لإنك لما بتقابل حد بتتطبع بشكل الحد اللي قدامك، إنما شخصيتك الأساسية مش ظاهرة، زائد إني بسبب شغلي كان عندي حب الظهور، وأحب أهزر كتير عشان أبقى جوكر القعدة".

كما تحدث أحمد سعد عن سلوك يعتقدها البعض انه مغرورقائلا: "لازم تشوف الحاجات الحلوة والنعم اللي فيك ونقط القوة عندك، مش غرور إنك تقول أنا فعلا إنسان لذيذ وشكلي حلو، وطيب وبحب الخير للناس".