احتفالا بالمولد..سائقوا المنوفية استبدلوا الأجرة بـ«الصلاة على النبي»

واقعة فريدة شهدتها مدينة الباجور بمحافظة المنوفية، لفت أنظار الأهالي موقف بسيط لكنه يعكس حب وبركة.

السائق محمد عباس، سائق سرفيس، قرر أن يجعل الركوب مجانا لكل الركاب، وأجرته الوحيدة كانت الصلاة على النبي، احتفالًا بالمولد النبوي الشريف.

 يقول محمد: " دي مش أول مرة، بدأت الفكرة السنة اللي فاتت في نفس المناسبة، وكمان عملت مبادرة في أول يوم دراسة، ومرة تانية كانت على روح بنات كفر السنابسة، بحاول أعمل خير على قد ما أقدر، واللي بيعمل الخير بيلاقيه».

اقرأ أيضا  | البنوك العاملة في مصر إجازة 3 أيام بدءا من هذا الموعد

وأضاف: الجميل إن المرة دي الفكرة ما كانتش فردية، السنة دي شارك معاه 4 من السواقين، وكلهم اتفقوا إن الأجرة تبقى «صلاة على النبي» في يوم كله فرحة وبركة.

وأوضح: الناس كانت مبسوطة، الدعوات كانت صادقة، والابتسامة ما فارقتش وجوه الركاب ولا السواقين.. ويقول: "مواقف زي دي يمكن بسيطة، لكن بتثبت إن الخير لسه بينا، وإن كلمة طيبة أو موقف حلو ممكن يغيّر يوم ناس كتير، ويفكرنا إن في وسط تعب الدنيا، لسه في قلوب بتعرف تفرّح وتفرّح غيرها".