السقا: محمد هنيدي سبب ظهور جيلنا.. و«إبراهيم الأبيض» حالة خاصة لن تتكرر

أعرب الفنان أحمد السقا عن آرائه بكل صراحة حول عدة قضايا راهنة، مثل ظاهرة الـ«تريند» على مواقع التواصل الاجتماعي وصراع الأجيال، وذلك خلال تصريحات له، مؤكدا أنها أرزاق وأن الإعلام يبحث على موضوعات يعمل عليها.

وقال السقا: "مافيش حاجة اسمها صراع أجيال، دي أرزاق، والإعلام يبحث على موضوعات يشتغل عليها، يعني أحمد غزي ابني وصاحبي وابن صديقي، هصارعه ليه؟ الناس دي قريبة مني مش منافسين".

اقرأ أيضا| محمد رياض: اشتغلت وكنت ناجح في المهرجان.. وأتمنى اللي بعدي يكون عنده شغف أكبر

بينما تحدث السقا عن فليم «إبراهيم الأبيض»: عمري ما هعرف أعمل الدور ده تاني، ولا مروان حامد هيقدر يخرجه بالشكل ده تاني، ولا عباس أبو الحسن هيكتبه تاني، ولا شركة إنتاج هتتحمس تنفذه بنفس القوة.. الفيلم ده حالة خاصة".

وتابع: "جيلنا بدأ صغير، والناس لسه بتشوفنا شباب، لكن لازم نعترف إن محمد هنيدي كان سبب ظهورنا من غيره ماكناش هنظهر أو نكمل".

وأكد أحمد السقا أن موضوع «التريند» ليس بالأمر الدائم، موضحًا: "موضوع التريندات أو كلمة تريند شيء مؤقت وهينتهي".