اصنعي زيت تقوية الأظافر في البيت بسهولة

في فصل الصيف، بتتعرض أظافرنا للجفاف والتكسر بسبب التعرض المستمر للمياه، والشمس، ومستحضرات التجميل، ورغم إن العناية بالأظافر حاجة أساسية لأي بنت بتحب تهتم بشكلها، كتير مننا بيهملها أو يفتكر إن العناية بيها محتاجة منتجات غالية.

اقرا أيضأ|بينها «النحاسي والوردي».. ألوان طلاء أظافر تليق بالبشرة الداكنة
الخبر الحلو إنك تقدر تعملي زيت طبيعي في البيت بخطوات بسيطة ومكونات متوفرة، وهي وصفة آمنة وسهلة جدا بتساعد على تقوية الأظافر وترطيب الجلد المحيط بيها، وبتخلي شكلهم صحي ولامع زي أظافر الأطفال.
الوصفة دي نقلناها ليكي من موقع ouroilyhouse، وهنا بنشرحها ليكي بطريقة مبسطة.

المكونات:
ملعقة صغيرة من زيت الأرجان (مغذي ومرطب قوي).
ملعقة صغيرة من زيت دوار الشمس (خفيف وسريع الامتصاص).

4 قطرات من زيت شجرة الشاي العطري (مضاد للبكتيريا).

6 قطرات من زيت اللوز الحلو (يرطّب وينعّم).

ملعقة صغيرة من زيت ترطيب بشرة الأطفال (للمسة نهائية ناعمة).

طريقة التحضير:

هتحتاجي علبة طلاء أظافر فاضية ونضيفة، أو زجاجة قطرة عيون صغيرة.

ضيفي كل المكونات في الزجاجة، واقفليها كويس، ورجيها شوية لحد ما المكونات تختلط تماما.

باستخدام الفرشاة أو طرف صباعك، وزعي نقطة صغيرة على كل ظفر، ودلكيها كويس حوالين الأظافر.

لو حسيتي بملمس دهني شوية، ده طبيعي، وهيمتصه الجلد بعد ثواني.

خزني الزجاجة في مكان بارد أو في التلاجة، وتأكدي إن الغطاء مقفول بإحكام عشان الزيت يفضل صالح لأطول فترة.

صلاحية الزيت ده ممكن توصل لسنة كاملة، بشرط إن الزجاجة تفضل مقفولة كويس.
نصائح إضافية:
مفيش عدد مرات محدد للاستخدام، كل ما يكون عندك وقت، استخدميه.
بعد أول استخدام هتلاحظي فرق في ملمس ولمعة أظافرك.
مع الاستمرار، هتلاقي الأظافر بقيت أقوى، ومفيش تكسر أو جفاف، وهيبان عليها اللمعان الطبيعي.

مش لازم تروحي الصيدلية ولا تشتري منتجات جاهزة بأسعار عالية، بخطوات بسيطة ومكونات طبيعية، تقدري تعملي زيت أظافر في البيت يغذي، يرطب، ويخلي أظافرك صحية ولامعة في كل فصول السنة، خاصة الصيف،جربي الوصفة النهاردة، وهتحسي بالفرق من أول استخدام.