في كل عمل جديد، ينجح الفنان محمود حجازي في لفت الأنظار بقدراته التمثيلية وجرأته في اختيار أدواره، ومع فيلمه الجديد "عز الظهر"، يبدو أن حجازي اختار نقلة فنية مختلفة تمامًا، حيث يكشف في حواره مع "بوابة أخبار اليوم" عن كواليس الفيلم، وطموحه الفني، ورغبته في الغوص في التاريخ العربي وتجسيد شخصياته الخالدة.
كيف تصف مشاركتك في فيلم "عز الظهر"؟
"عز الظهر" كان نقلة مهمة جدًا في مشواري الفني الدور مختلف تمامًا عن أي حاجة عملتها قبل كده، سواء من حيث الشخصية أو طبيعة الأحداث والتصوير حسيت إنه تحدٍ جديد، وده اللي شجعني أشارك فيه.
هل تعتبر الفيلم خطوة جديدة في نوعية اختياراتك؟
أنا دايمًا بحاول أخرج من النمط التقليدي، و"عز الظهر" فتحلي باب جديد لتقديم أدوار متنوعة وغنية دراميًا بحب أشتغل على حاجات تخليني أفكر وأطور نفسي.
هل تبحث عن التنوع في أدوارك بشكل متعمد؟
أنا بحب أكون "جوكر" يقدر يلعب كل الأدوار ما بحبش أتحصر في نوع واحد، وعشان كده بختار شخصيات مختلفة، حتى لو كانت صعبة أو ضد التيار.
اقرأ أيضًا | محمود حجازي يكشف عن الدور الفني الذي يحلم بتقديمه| خاص
ما هو الدور الذي تحلم بتقديمه مستقبلًا؟
نفسي أقدم دور في عمل تاريخي عربي كبير، عن قائد أو غزوة أو فترة مهمة من تاريخنا، التاريخ العربي مليان بطولات وشخصيات عظيمة، وأنا بحس إننا محتاجين نرجع نحكيها على الشاشة، بشكل فني وإنساني في نفس الوقت.
كيف تستعد للأدوار المختلفة التي تقدمها؟
بذاكر كتير، وبدخل في تفاصيل الشخصية من أول لحظة بحب أعرف خلفياتها ونفسيتها، وبشتغل مع المخرجين على كل تفصيلة بحاول دايمًا أكون صادق أمام الكاميرا، وده محتاج شغل كتير.
ماهى الأدوار التي تجذبك أكثر؟
الأدوار اللي بتخليني أخرج بره الصندوق، اللي بتكون صعبة ومعقدة، أو فيها جانب نفسي محتاج مجهود، كل ما كان الدور صعب، كل ما حسيت إني عايز أقدمه.
نادين نسيب نجيم وظافر العابدين يشعلان المنافسة بـ«ممكن»
وفاة شقيق فادية عبد الغني.. وهذا موعد ومكان الجنازة
متحف النصر الروسي يعرض جرائم النازية بالقاهرة
