منة عدلي القيعي: "يا بخته" كانت نقطة تحول في مشواري مع عمرو دياب

في أول تعليق لها بعد النجاح الكبير لأغنية "يا بخته"، عبّرت الشاعرة منة عدلي القيعي عن فخرها بالتعاون مع النجم عمرو دياب في ألبوم أبتدينا ، مؤكدة أن هذه الأغنية كانت بمثابة نقطة تحول حقيقية في مشوارها الفني.

قالت منة في تصريحات خاصة لـ"بوابة أخبار اليوم": "أغنية (يا بخته) كانت خطوة كبيرة ومهمة جدًا في مشواري. لما عرفت إنها هتكون أول تعاون نسائي في ألبومات عمرو دياب، طبعًا حسيت بمسؤولية وضغط. بس في النهاية، الأغنية هي اللي بتفرض نفسها. عمرو ما اشتغلش معايا قبل كده لأنه ببساطة ما سمعش حاجة شدته."

وأعربت الشاعرة منة عدلي القيعي، عن سعادتها البالغة بتعاونها الأول مع النجم عمرو دياب، من خلال أغنية "يا بخته" التي طُرحت ضمن ألبومه الغنائي "ابتدينا".

وقالت منة : "أنا ماعملتش حاجة خارقة علشان أكون أول شاعرة تتعاون مع عمرو دياب، وهو دايمًا بيختار الكلمات اللي تعجبه سواء من شاعر أو شاعرة، وده أكبر دليل إنه ضد أي تمييز أو عنصرية في الاختيارات الفنية".

وأضافت: "كلمات الأغنية كانت مكتوبة من فترة، وبدأت الحكاية لما الملحن عزيز الشافعي سمعها وأعجب بيها، وهو اللي رشحها لعمرو دياب، ودي كانت بداية التعاون اللي حلمت بيه من أكتر من سنة ونص، والحمد لله إن ربنا كرمني وبقى فيه فرصة إني أشتغل معاه".

وأكدت منة القيعي أنها تتمنى أن يتجدد التعاون بينها وبين الهضبة قائلة: "عمرو دياب فنان ذكي وشاطر جدًا وبيحب شغله وبيجتهد فيه بشكل كبير، وأنا فعلًا مبسوطة بالتجربة وبتمنى يحصل تعاون تاني قريب".

اقرأ أيضا|

مها الصغير في ورطة بسبب لوحة فنية لفنانة دنماركية.. ومنى الشاذلي تعتذر