محمود حمدان عن أحمد آدم : «دعيت عليه وأنا منهار من البكاء»

كشف المؤلف محمود حمدان عن موقفا صعبا جمعه بالفنان أحمد آدم عام 2007 في بداية مشواره الفني، عبر حسابه الرسمي بموقع التواصل الاجتماعي "فيس بوك ".

وأوضح محمود حمدان، أنه لن يتعاون مع الفنان أحمد آدم في أي عمل ورفض كتابة فيلم له، قائلا " سنة 2007 أخدنا الدكتور جلال الشرقاوي علشان نمثل في مسرحية لأحمد آدم، كنا مجموعة من شباب أكاديمية الفنون ولسه في بداية طريقنا، أحمد آدم كان مغرور ومتعالي بشكل غريب ".

وأضاف محمود حمدان:  "كنا قبل العرض بيوم وبنعمل بروفة جنرال، ودخلت أعمل دوري ومن حظي السيء إن اللي كانوا قاعدين في الصاله ضحكوا، أحمد آدم وقف البروفة".

واستكمل محمود حمدان: " وقدام كل الناس سمعني أسوأ كلام يقوله فنان محترف لشاب لسه بيشق طريقه (أنت هتاخد فرصتك بس مش معايا مع حد تاني، تقف مكانك متتكلمش) ولم يكتفي بذلك، قالي مش هتشتغل يلا أمشي ".

وواستطرد  محمود حمدان: " خرجت من المسرح والدموع مكتومة جوايا، وأصحابي بيحاولوا يواسوني (مصطفى أبو سريع وحسني شتا وإبراهيم السمان ومحمد العمروسي)".

واختتم محمود حمدان : "روحت صليت ودعيت على أحمد آدم وأنا منهار من البكاء، ومن 5 سنين كلمني منتج صديقي علشان أكتب فيلم لآدم وقولتله لو هتديني 100 مليون مش هكتبله.. الآن بدعيله ربنا يفك كربه ويسامحه ويكرمه، وأنا مسامح ".