أعربت الفنانة ياسمين صبري عن سعادتها بالمشاركة في فيلم "المشروع X"، كما تحدثت عن ملامح دورها خلال حوارها مع الإعلامي عبد العزيز أحمد في برنامج "مساء الإمارات"، الذي يُعرض على قناة "الظفرة".
وقالت ياسمين صبري خلال لقائها في البرنامج: "دوري مختلف فعلا في "المشروع X" المخرج بيتر ميمي كان دايما بيوجهني إني مطلعش بره الشخصية، لإن نبرة صوتي ساعات بتقع فكان دايما مخليني محافظة على الكلام بتون أعمق وده مش طبيعة صوتي".
وتابعت: "وكمان الشخصية اللي بقدمها في الفيلم كلامها قليل ومحسوب قوي (ما قل ودل)، بتعبر أكتر عن طريق الحركة والأكشن، وده دور أنا عمري ما عملته، بس أنا حبيت الأكشن قوي وحسيت إنى اتحطيت في المكان الصح".
وحول إمكانية مشاركتها في أعمال درامية قصيرة تُعرض عبر المنصات الإلكترونية، أوضحت قائلة: "عمري ما عملت شغل لمنصات، أنا بحب موسم رمضان، بحس الناس كلها بتستنى إعلانات رمضان ودراما رمضان، وهو ده البطولة السنوية زي "الشامبيونزليج"، وأنا بحب اتواجد في الموسم القوي".
وتابعت: "في (الأوف سيزون) ما بيبقاش عندي وقت كمان، بكون بعمل حاجات تجارية شوية بره التمثيل، أو بكون بصور فيلم، مبعرفش أدي وقت قوي لأعمال المنصات للبلات فورمز مع ان هو ده المستقبل كله".
وفيما يخص إمكانية مشاركتها في إحدى مسرحيات "موسم الرياض" قائلة: بخاف من المسرح، وبحس إنه محتاج إمكانيات وعاوز حد بتاع مسرح أو عنده خبرة".
محمد حماقي يواصل حصد الأرقام القياسية.. أكثر من 15 مليون استماع
أروى جودة: زوجي بيخاف من الحسد.. وحلم الأمومة متروك لله عزوجل
نجوم الفن يقدمون واجب عزاء الراحله سهام جلال |صور
