العيد على الأبواب.. جهزي مطبخك في 4 خطوات بسيطة ومن غير دوشة

قبل ما العيد يخبط على بابك، أكيد نفسك تستقبليه ومطبخك نظيف ومرتب يشجع على الطبخ والتحضيرات الحلوة، خصوصا لو هتعملي الكحك، أو وليمة أول يوم.

علشان كده جمعنا لك خطوات بسيطة وسريعة تنظمي بيها مطبخك من غير ما تحسي إنك غرقانة في شغل، وكل ده نقلا عن خطوات ذكية نشرها موقع helenatur.

ابدأي بتصفية الدنيا من حواليكي
شيلي أي حاجة مالهاش لازمة

نظفي كل المواعين المتسخة

ارمي بواقي الأكل أو أي حاجة مركونة بقالها فترة

الخطوة دي بتديك دفعة نفسية إنك بدأت بجد

متبتديش من الأرض، لأ
ابدئى الأدراج والخزائن اللي فوق

امسحي الغبار ونضفي الرفوف كويس

بعد كده انزلي على الدواليب السفلية

وبعدين على طول للأجهزة الكبيرة زي التلاجة، البوتاجاز، الشفاط، وغسالة الأطباق

اختاري منتجات تنظيف مناسبة لكل جهاز علشان تحافظي عليه.

الميكروويف، الخلاط، محضر القهوة، كل دول بيبهدلوا بسرعة
نظفيها بقطعة قماش فيها شوية خل أبيض، هتساعدك تشيلي الدهون بكل سهولة وتخليهم يبرقوا من تاني.

آخر لمسة بقى علشان المطبخ يلمع:
نظّفي الرفوف والرفوف الزجاجية

لمعي الشبابيك أو الشرفة لو قريبة من المطبخ

وامسحي الأرضية علشان تحسي بفرق حقيقي

وافتكري،مش لازم تعملي كل حاجة في يوم واحد خدي خطوة خطوة، وكل يوم حاجة بسيطة، وفي الآخر هتلاقي مطبخك بقى جاهز للعيد ومستعد يفرحك في كل لحظة.

ترشيحاتنا