هيدي كرم تثير الجدل بتصريحها عن الزواج بشخص من دين مختلف

أعربت الفنانة هيدي كرم عن وجهة نظرها تجاه فكرة الزواج من شخص يختلف معها في الدين، وذلك خلال لقاء حصري على بودكاست "وفيها إيه".

وقالت هيدي كرم: "في ناس كتير اتجوزت من نفس ديانتها وفشلت وناس اتجوزت من ديانات مختلفة والعلاقة نجحت، أنا مؤمنة تماما أن الدين دا حاجة بيني وبين ربنا".

اقرأ أيضا| صلاح عبد الله: تمنيت البطولة وندمت على أعمال كثيرة شاركت فيها| حوار

وأضافت: "مهم طبعا أن إحنا نحترم أفكار وأديان بعض ومن هنا بيجي تقبلي ليك، ما أنا لو مش محترمة دينك ومش محترمه فكرك وعقيدتك اللي انت اتولدت لقيت نفسك عليها هقولك متجوزش واحد مش من ديني وابدأ أخاف".

وتابعت حديثها قائلة: "لكن لو احترمت فكرك وعقيدتك هتقبلك في الحياة بكل الأشكال، صديق وزوج وحبيب واتقبلك أم، ممكن تبقى أم مسيحية متجوزه من مسلم ومخلفه أولاد مسلمين، هو هيتقبل أن أمه مسيحية بتروح الكنيسة في الأعياد وبتصوم صيامها وهي هتتقبل أن أولادها مسلمين وبيروحوا الجامع وبيصوموا صيامهم، انت لازم تعيش في تقبل الآخر لأن كل المشاكل والحروب والعنف طلع بسبب عدم تقبل الآخر لازم نتقبل بعض معندناش حل تاني".