« قلت له عيب كده».. صفية العمري تحكي موقف محرج مع رشدي أباظة

كشفت النجمة صفية العمري، عن موقف جمعها بالفنان رشدي أباظة في فيلم "أبدا لن أعود" الذي أنتج عام 1975، وموقف طريف حدث بينهما.

وروت صفية العمري خلال لقائها في برنامج "كلام الناس" مع ياسمين عز، عن مكالمة رشدي أباظة لها وما حدث بينهما عندما اعتقدت أنه شخص يعاكسها.

وقالت صفية العمري: "اللي حصل أنا كنت لسه جديدة وكان التليفون الأرضي والساعة 3 الصبح، التليفون رن برد لقيت حد بيقول أنا رشدي أباظة، فقلت عيب يا فندم افتكرت حد بيعاكس فقفلت السكة، رجع كلمني قالي أنا رشدي أباظة قلت له تاني أنت مش مكسوف وقفلت السكة مرة تانية".

وتابعت العمري: "التليفون رن تاني طلعت نادية لطفي قالت لي يا قطة كانت مسمياني القطة، إحنا عايزينك في فيلم كذا تعالي بكرا، وبعدين كلمني مدير الإنتاج قالي تركبي قطر الساعة 8 وتنزلي سيدي جابر، وأنا مذهولة كان فيلم "أبدا لن أعود"، مكنتش مرتبة نفسي ومعنديش الهدوم، قعدت اختار أي حاجة وطلعت في الفيلم "عرة" جدا مش مجهزة روحي صورت في نفس اليوم، أنا سافرت الساعة 8 الصبح وصلت الساعة 10 أخدوني على الفندق ولبست ونزلت".