كزبرة عن كليب «أنت مش جاي معايا»: مهم لأني مصوره في منطقتي

علق مغني المهرجانات أحمد بحر كزبرة عن سعادته بنجاح كليب أغنيته الجديدة «أنت مش جاي معايا» ودخوله في قائمة الأكثر مشاهدة على يوتيوب محققا أكثر من 100 ألف مشاهدة خلال 24 ساعة.

وكشف كزبرة عن كواليس تصويره للكليب مشيرة إلى أنه مهم بالنسبة له موضحا عبر خاصية استوري على صفحته الشخصية على انستجرام قائلا: «شكرا لكل حد اتفرج على الكليب وقدر المجهود واتمنى يكون عجبكم واتمنى الأغنية تكون عجبتكم.. الحمد لله أول يوم 100 ألف.. يا رب دايما تفضلوا في ضهري ».

وتابع: «الكليب ده مهم بالنسبة لي جدا لأني مصوره في منطقتي ويعتبر معظم الكليبات مصورها هناك زي عليا الطلاق كله بيكدب بس مكنتش ببقى عارف اطلع المنطقة باحسن صورة عشان الامكانيات كانت بسيطة فكنت حابب إني اعمل كليب بامكانيات عالية عشان ابين جمال المنطقة بجد».

وأضاف :« الحمد لله قدرت ابين ده في كليب أنت مش جاي معايا والسبب بعد ربنا يرجع لفريق الاخراج وأهل منطقتي الجدعان اللي على طول مستحملين جناني وعلى طول في ضهري».

إقرأ ايضا: «لوك» أحمد العوضي الجديد يثير التساؤلات.. لماذا تخلى عن الشارب؟

جدل أغنية «أنت مش جاي معايا»

وكان كزبرة قد أثار الجدل بأغنيته «أنت مش جاي معايا» بسبب كلماتها والتي استخدم فيها إحدى الجمل الشهيرة للفنان محمد رمضان واستبدل «ثقة في الله نجاح» بـ«ثقة في الله هدلعك» لتوقع الجمهور أن الأغنية موجهة إلى رمضان على خلفية الخلاف الذي جمع بينهما مؤخرا.