نعى نجل الفنان سليمان عيد، عبدالرحمن سليمان عيد والده بكلمات مؤثرة ، عبر حسابة الرسمي بموقع التواصل الاجتماعي "فيس بوك".
وكتب نجل سليمان عيد ، قائلأ:"شكر الله سعيكم جميعا ملتمسين العذر لكل اللي مقدرش ييجي العزاو مقدرين ظروف كل اللى كان نفسه ييجيربنا يجعله في ميزان حسناتكم و يغفر لأبويا ويرحمه".
وتايع نجل سليمان عيد :"شكرا لكل اللي طبطب على قلوبنا انا و أمي و أختي شكرا من قلبي بجد لأخواتي و أصحابي و أساتذتي اللي وقفوا جامبي من أول لحظة و مسابونيش أبدا لحد دلوقتي ربنا يخليكم ليا و يباركلكم في حياتكم و يديم المحبة بيننا يارب بحبكم اوي والله وكل واحد فيكم عارف هو عندي ايه ".
و اضاف نجل سليمان عيد :"سامحوني في ناس كتير اوي اوي بجد باعتينلي و انا مش عارف أرد على العدد ده و محدش يزعل اني مقدرتش ارد بس والله تسلم ايديكم وعظم الله أجركم جميعا والحمدلله على حب الناس ".
نجل سليمان عيد يوجه رسالة خاصه بعد وفاة والدة
وختم نجل سليمان عيد حديثه برساله خاصة ،قائلا:"اخر وأهم حاجه ورحمة أبويا الغالي كل من دفع جنيه انا معرفش عنه حاجه في خارجة أبويا لحد النهارده يبلغني بيه عشان يكون مرتاح و مطمن و لو في حد له عندي او عند ابويا أي حاجه أرجوكم يعرفني ضروري اللهم ارحم موتانا وموتى المسلمين جميعا ".
ابنة سليمان عيد تكشف اللحظات الأخيرة قبل وفاته
في سياق متصل، كشفت سلمى سليمان عيد، ابنة الفنان الراحل سليمان عيد، عن تفاصيل اللحظات الأخيرة في حياة والدها، مؤكدة أن الوفاة جاءت بشكل مفاجئ، رغم أنه كان يعاني منذ 30 عامًا من ضعف في عضلة القلب، لكنه تعايش مع المرض طوال هذه السنوات.
وقالت سلمى سليمان عيد خلال مداخلة هاتفية لها مع الإعلامية لميس الحديدي في برنامج "كلمة أخيرة" على قناة ON:"بابا ماكانش بيعاني من حاجة غير القلب، وكان بياخد أدوية منتظمة، وعاش مع المرض سنين طويلة.. لكن الوفاة حصلت فجأة."
وأوضحت سلمى سليمان عيد: "أن والدها لم يكن صائمًا وقت الوفاة، حيث أنهى صيامه لآخر يوم من الست البيض في شهر شوال، قائلة: "كان مخلص الست البيض يوم الخميس، وصلى الفجر، ودخل الحمام، وبعد شوية وقع.. وماما اللي اكتشفت وفاته. ولما وصل أخويا كان السر الالهي خرج".
وعن الجانب الإنساني، قالت سلمى إن والدها كان يحب الجميع ويتعامل مع الناس بمحبة وبساطة، وكان محبوباً من الجيل الجديد وكل الاجيال قائلة : " بابا كان جميل.. والكل بيحبه، خصوصًا الجيل الجديد اللي حبوه بجد."
وكشفت أن آخر أعماله كان فيلم "فأر بسبع أرواح"، حيث جسّد فيه شخصية متوفى.
أما عن لحظة الوداع، فقالت بتأثر: "أصعب لحظة لما شفت أبويا في الكفن.. بس وشه كان بيضحك ياحبيبي".
وأكدت أن والدها له ابنين فقط، عبد الرحمن، الذي يكبرها بعامين، وهي أصغر أبنائه.
واختتمت قائلة: "حب الناس في الجنازة والعزاء وجبر الخاطر اللي شوفناه، دا كان عزاء كبير لقلوبنا."
كاظم الساهر: وفاة أختي أصعب ذكرى في حياتي
قصر السينما بجاردن سيتي يقدم 10 عروض سينمائية مجانية خلال يونيو
هل ينوي كاظم الساهر الاعتزال ؟.. رد حاسم من الفنان
