جومانا مراد: «كل ما بيكبر سني كل ما بحلو أكتر»

قدمت الفنانة جومانا مراد نصائح للزوجات من أجل شعورهن بجمالهن، وترى من وجهة نظرها ان النساء يحتجن الى سماع حديث جذاب من قبل أزواجهن. 

وتحدثت الفنانة جومانا مراد، خلال تواجدها بإحدى البرامج التليفزيونية، قائلة: "كل ست لازم تبص لنفسها في المراية وتقول أنا أحلى ست في العالم، أنا بشوف نفسي إني بجنن".

وأضافت الفنانة جومانا: "الستات بتحب تسمع كلام حلو، الست بتحب من ودنها أي حد يقدر يدخل حياتها من مدخل الكلام الحلو ليه متسمعيش نفسك كلام حلو؟ إحنا جلادين لنفسنا ليه ننتقد نفسنا ومش بنشوف غير عيوبنا نبص في المراية ونشوف العيب لأ أنا ببص في المراية بقول أنا حلوة وحتى عيوبي ميزة".

جومانا مراد توجه رسالة خاصة للسيدات بعد  التقدم في السن

وعن فكرة التقدم في السن قالت الفنانة جومانا مراد: "كل ما بيكبر سني كل ما بحلو أكتر وبحس بنفسي أكتر وبحس إني عارفة نفسي وعارفة عايزة إيه، كل سن ليه حلاوته وجماله السن مجرد رقم"

واستكملت  الفنانة جومانا مراد: " السن هو خبرة السنين وإزاي شخصيتك اتكونت وزمان مكنتش بعرف أطبطب على نفسي وآخر حد أفكر فيه هو نفسي لكن الموضوع اتغير لقيت أن كل ست محتاجة تطبطب على نفسها وتكون حنونة على نفسها وتكافئ نفسها متستناش حد يكافئها".