خرج مؤدي المهرجانات عصام صاصا عن صمته، في أول ظهور إعلامي له بعد فترة غياب أثارت الجدل، كاشفًا كواليس المرحلة الصعبة التي مر بها، مؤكدًا أن الأزمة لم تكن مجرد غياب عن الساحة، بل كانت بمثابة "غربال كشف معادن الناس"، على حد تعبيره.
وفي لقاء تلفزيوني صريح، قال صاصا:"أنا والله لحد دلوقتي مش مستوعب الصدمة اللي كنت فيها... بس الحمد لله، ربنا بيعدّي كل صعب."
وأضاف أنه شعر بخذلان كبير من المقربين له سواء من داخل الوسط الفني أو خارجه، موضحًا:"الناس اللي كنت فاكرهم سندي... خذلوني. الغربال وقّع ناس كتير، لقيت الجدعان الحقيقيين قليلين جدًا، 5% بس اللي فضلوا."
وتابع صاصا:"فيه ناس كانت معاملتهم معايا لهدف، ولما الهدف راح، هم كمان اختفوا."ولم يُخفِ صاصا انزعاجه من بعض التصريحات التي سمعها أثناء وجوده خارج مصر، وقال:
"وأنا في الإمارات... كانت بتوصلني تسجيلات لفنانين بيقولوا: (احنا بناكل عيش علشان صاصا مش موجود)."
وتساءل مستنكرًا:"يعني أنا أذيتكم في إيه؟ إزاي الكره ده كله جه؟"واختتم مؤدي المهرجانات حديثه بنبرة فيها الكثير من الحزن والثقة بنفسه:
"اتقال عليا كلام كتير، وسكوتي خلا الناس ترسم السيناريو اللي على مزاجها، بس اللي يعرفني عارف أنا مين... وسايبها لربنا، لأنه هو اللي بيجيب الحق ويفضح الكدب."
وأكد صاصا أن الأزمة الأخيرة كانت نقطة فاصلة في حياته، و"كشف حساب حقيقي" للعلاقات في الوسط، مشيرًا إلى أنه "الجدع ما بيقعش، ولو وقع بيقوم أقوى".
الجدير بالذكر أن عصام صاصا كان قد غاب لفترة عن الساحة الفنية، ما أثار تساؤلات عديدة حول الأسباب، قبل أن يظهر مؤخرًا ويبدأ في توضيح ما مر به خلال تلك المرحلة.
اقرأ أيضا|
رزان جمال: «أسد» أحلى من أفلام هوليوود.. وأحلم بالأمومة
شمس البارودي تكشف تفاصيل زيارتها لمقام السيدة نفيسة
سعد لمجرد ومحمد فضل شاكر يطلقان ديو «القمر ديالي»
