كشفت الفنانة بدرية طلبة، أن زوجها توفي مقهورًا بسبب المسرح الذي كان يمتلكه وتم أخذه منه وروحه كانت في المسرح.
وأضافت بدرية طلبة خلال استضافتها عبر برنامج «أسرار» من تقديم الإعلامية أميرة بدر، "زوجي كان عايز يموت والسبب إنهم أخدوا منه المسرح وهنا أخدوا منه روحه والسبب كان فيه مشاكل بالمكان اللي مأجرين منهم المسرح".
وقالت بدرية، " إن أصحاب المكان اللي كان مأجره منهم للمسرح كانوا شايفين إن ده حقهم وهو شايف إنه مش حقهم وكانت مشاكل كبيرة لكنه راح وساب كل حاجة، واللي عرفته مؤخرًا إن الحاجه اللي جوة المسرح أخدوها وباعوها وهى ملكه، وهناك قضايا مرفوعة ومحدش يعرف إنه اتقهر بسبب المسرح اللي راح منه".
اقرأ أيضا|بدرية طلبة: «أنا مش بنام.. وعدم وجودي في دفنة جوزي وجعني»
وأضافت بدرية «هو قريب من بناته أكتر مني وحتى لو منفصلين متفكروش إني مش حنينة عليه أو أزعل عليه ده اللي بيموت عنده قطة بيزعل عليها، إيه الجبروت اللي عند الناس ده، وبعدين تجيلي أسئلة هو إنتي مش زعلانة، وسؤال تاني عن العدة، عدة إيه، العدة في الشنطة انتوا بتستعبطوا، هو انتوا عايزيني أقعد في بيتي، ده اللي بيلاقي حد قاعد في بيته مكتئب وزعلان بيقولوله انزل أخرج في النهاية انتوا مالكم أعمل اللي أعمله».
انطلاق الأسبوع الثالث لفعاليات "شارع الفن" بمثلث الشريفين وسط القاهرة
سلسلة سيمفونيات عظيمة تتواصل على المسرح الكبير بالأوبرا
عمرو دياب يتصدر التريند ويدعم منتخب مصر بـ "انت تقدر"
