استطاع الفنان عمر الشناوي، حفيد النجم الكبير كمال الشناوي، وهو واحد من هؤلاء الفنانين الذين إثبتوت أنفسهم بموهبتهم الخاصة بعيدًا عن ظل الأسماء الكبيرة.
وبرز في السنوات الأخيرة بأدواره المتميزة، مقدمًا أداءً لافتًا في أعمال درامية وسينمائية متعددة، حيث جمع بين الوسامة، الحضور القوي، والقدرة على تجسيد شخصيات متنوعة بإتقان.
وفي حوار خاص " لبوابة اخبار اليوم "نقترب أكثر من عمر الشناوي لنتعرف على مسيرته، التحديات التي واجهها، ورؤيته للفن، بالإضافة إلى تأثير إرث جده الراحل على مشواره الفني.
كيف أثرت مشاركتك في مسلسل "كلبش" على مسيرتك الفنية؟
كان دوري شخصيه مهمه وده طبعا فادني وفرحني جدا وكان اول شئ عرفت نفسي للجمهور عنه.
ما هي الأدوار التي تتمنى تقديمها في المستقبل؟
اي دور جديد مخالف عن العادي وبحب اعمل حاجات جديده وفيها فكره ومختلفه
ما هو الدور الذي تعتبره نقطة تحول في مسيرتك الفنية؟
في اكتر من عمل بس ممكن الحشاشين والنزوه
كيف ترى تطور الدراما والسينما المصرية في السنوات الأخيرة؟
دايما في تطور وشايف ان المسلسلات وقصص بقالها ١٠ سنين مختلفه عن دلوقتي تمامًا
ما هي النصيحة الأكثر تأثيرًا التي تلقيتها من جدك، الفنان كمال الشناوي؟
جدي كان شخص بيبعدني أكتر التمثيل ومكنتش قريب منه لاني كنت صغير اوي ومكنتش بروح معاه كتير الشغل وكنت بشوفه كا جد مش ممثل .
وأضاف قائلا " أن جده قال الي والده انه لا يعرف التمثيل وليست لديه موهبه ولقيت ان والدي مش هيمثل فا اكيد انا مش هعرف امثل، وكنت بحب مسرح المدرسه وشاركت كتير وكانت هوايه بس ".
كيف توفق بين حياتك الشخصية والمهنية؟
في اوقات بتبقي زحمه وأوقات تانيه ببقي فاضي جدا شويه فوق وتحت ومعنديش مواعيد فا النظام مختلف خالص
ما هي النصيحة التي تقدمها للشباب الذين يرغبون في دخول مجال التمثيل؟
الواحد المفروض يتعلم التمثيل قبل ما يدخل المجال وناس كتير بتدخل تمثل ولكن لازم تبقي قد المسؤوليه والكاميرا ومستقلش بعقل المشاهد وده الي اتعلمته من مسيرتي القصيره مش الكبيره "
وقال :لما بدأت التمثيل كنت متخيل اني جاهز للتمثيل ولما بدأت لقيت نفسي لسه مش جاهز وكنت محتاج استعد اكتر وكنت هبقي في حته احسن " .
وتابع عمر أيضًا: " التمثيل دراسه لازم الواحد يدرسه زي اي دراسه في الدنيا زي الرسم والموسيقي و الفن برضو دراسه والشخص يكون عنده مسؤوليه الاحساس بالمشاعر والتقبل بالأفكار المختلفه والدراسه بتنمي وتطلعه الموهبه منه " .
وأضاف عمر أيضا: " في بدايتي الفنيه والتمثيل كنت فاكر اني همثل وهبقي جاهز ولكن دع غلط ومكنتش لاقي حد ينصحني ويوجهني ساعتها كان ممكن ده يفرق في شغلي كتير " .
كيف تتعامل مع النقد، سواء كان إيجابيًا أو سلبيًا؟
الانتقادات علي السوشيال ميديا مش مهمه بنسبالي كثيرًا لانني لا اعرف الشخص الذي ينتقدني واذا رأيت نقد لازم اشوف النقد ده من مين ويكون مهم ولا لا وبيفهم في ما ينتقدني عليه او لا لأن كل شخص عنده وجهه نظر تختلف عن الآخر" .
وأضاف عمر الشناوي : " مستحيل أرضي كل الناس ولازم يكون بينتقدني من وجهه نظره الفنيه وأشوف هو قصده ايه وأدرس النقد ولازم يكون نقد بناء ويبقي فيه نصيحه وحلاوه الفن انه بيخلق وجهه نظر وحوار " .
كيف وجدت تجربة العمل مع حنان مطاوع في صفحة بيضا؟
فنانه عظيمه وحقيقه وكنت بتفرج عليها واتعلم منها وبنبهر تمثيلها وهذ ممثله بجد مش بيبقي فارق معاها شكلها ايه ولا عامل أزاي ، المهم شخصيتها وفنها ودورها وبتعمله زي ما هو بالظبط .
وأضاف " انا من محبيها ومحب لتمثيلها وبستمتع بشغلها وهي حد راقي جدا وبتحب الفن جدا ومثقفه وبشوفها بنسبالي من افضل الممثلات في الساحه الفنيه .
كيف تعاملت مع أبعاد شخصيتك في المسلسل؟ وهل تشبهك في الواقع؟
مفيش شخصيه قريبه مني بس في صفات شببهي في حالات معينه
هل هناك جزء ثانٍ محتمل للمسلسل؟
لا اعرف الحقيقه مفيش اي كلام لحد دلوقتي ما الذي جذبك للمشاركة في هذا الفيلم؟
القصه شدتني وكانت جديده بنسبالي
كيف كان التعاون مع المخرج جون إكرام في فيلم "لأول مرة" وكواليس فريق العمل ؟
جون شخصية متفتحه وعنده فكره وعايز يعمل حاجه جديده مختلفه
كيف تصف الكيمياء بينك وبين تارا عماد في العمل؟
وفيلم لأول مره كان تجربه حلوه بنسبالي واستمتعت مع تارا عماد وفريق العمل وكان أول فيلم بطوله " .
وبعتبره بطوله جماعيه لان كل دور فيه كان مهم وكل واحد كان بدور مختلف عن التاني زي نبيل عيسي ورانيا منصور وفيدرا كلهم كانوا متميزين وعاملين أدوار مختلفه " .
هل توقعت نجاح الفيلم والي اي درجه ؟
عمري ما بتوقع نجاح أو فشل حاجه ونجاح الافلام والمسلسلات مفهوش معيار بنحاول بس ندرسها ونعقلها وكل حاجه ليها حسابات " .
في حاجات بنتوقع انها هتفشل بس بتنجح وفي حاجات كتير وأعمال كتيره بنشوف انها هتكسر الدنيا بس بيحصل العكس فمحدش بيبقي عارف او متوقع قبلها " .
ما هي التحديات النفسية التي واجهتها أثناء تصوير فيلم "لأول مرة"؟
المكان كله في لوكيشن واحد وصعب وبنعمل كل حاجه متتاليه ورا بعض فا كان مش سهل
ما هو المشهد الأكثر صعوبة بالنسبة لك؟ ولماذا؟
كله كان صعب بس من اصعب الحاجات ومكنتش محضرلها مشهد الرقص الي كنت برقص فيه وحاولت اني ارقص ومكنتش عارف
ما هي أحلامك وطموحاتك المستقبلية على الصعيدين المهني؟
اتمنى أقدم فن لما يتشاف على مدار الاجيال الجايه يتقدر ويتحب وأعمالي تفرق مع الفنانين والنجوم والجمهور كله " .
محمد حماقي يواصل حصد الأرقام القياسية.. أكثر من 15 مليون استماع
أروى جودة: زوجي بيخاف من الحسد.. وحلم الأمومة متروك لله عزوجل
نجوم الفن يقدمون واجب عزاء الراحله سهام جلال |صور
