كان بينرفزني.. سيد رجب يكشف سبب رفضة لقب «سيد المقهور» الذي أطلق عليه

صرح الفنان سيد رجب بأن ملامح وجهه قد ألهمته لتولي أدوار معينة، وذلك خلال مشاركته في برنامج "ضيفي"، الذي يقدمه الإعلامي معتز الدمرداش.

وقال سيد رجب: "زمان في أوائل الثمانينات كنت في فرقة مسرح وكانوا بيسموني "سيد المقهور" أي دور فلاح أو غلبان أو شحات أقدمه، وأنا كنت متنرفز جدا لأن أنا شايف إني ممثل عايز أمثل وأنتوا بتدوني أدوار وحشه".

وأكمل سيد رجب: "لغاية ما جات سنة 1983 الأستاذة منحة البطراوي كانت بتعمل مسرحية "أمنا الغولة" وكانت عايزة اللي يعمل الدور راجل عشان يبين هي قد إيه شريرة، أنا وناس تانية كنا في تدريبات وكنت مصر إني أعمل دور "أمنا الغولة" عشان أثبت إني مش بس في دور المقهور وبعد مجهود كبير أخدت الدور ونجح والناس انبسطت ومن ساعتها مبقتش "سيد المقهور" ومن ساعتها بقول إني أقدر أعمل أي دور لأن الممثل يقدر يطلع كافة المشاعر والأحاسيس لأن كل إنسان بيمتلك الخير والشر والقوة والضعف، الممثل يجب أن ينوع في أدوره عشان ميتحولش لنمط".