نهال عنبر: «جوزي أصغر مني ومتجوزين بقالنا 4 سنوات»

صرّحت الفنانة نهال عنبر خلال استضافتها في برنامج "مع نزار الفارس" بأنها متزوجة منذ أربع سنوات، لكنها تفضّل عدم الظهور مع زوجها أو التحدث عنه.

وقالت نهال عنبر: "أنا متجوزة بقالي 4 سنين لكن أنا مش بتكلم في حياتي الخاصة، هو من برا الوسط، مش بنشر صور معاه لأني أنا بحب حياتي الخاصة تكون مقفولة عليا بالمفتاح مبحبش حد يعرف عني حاجة".

وأوضحت نهال عنبر أن قرارها بعدم مشاركة تفاصيل حياتها الخاصة مع الجمهور ليس بدافع الخوف من الحسد، بل لأنه خيار تفضّله، مؤكدة ذلك بقولها: "أنا مش قصدي عشان حسد لكن ربنا بيحب أننا منبعترش حياتنا، حتى على مواقع التواصل الاجتماعي مش بنشر حاجة خاصة بيا، ولا حياة ابني ولا حياة أحفادي، حياتي الخاصة متشمعة بالشمع الأحمر".

وعن فارق العمر بينها وبين زوجها قالت نهال عنبر: "العمر مش بيفرق معايا سواء أصغر أو أكبر مني، وزوجي الحالي أصغر مني لكن بشوية مش كتير، في السن دا الفرق سنة اتنين أكبر أو أصغر مش كتير المهم ميبقاش قد ابني حسام مثلا طالما حلال مفيش نقاش فيه".