تامر حبيب يكشف عن جزء ثاني من «سهر الليالي»

كشف الفنان والمؤلف تامر حبيب عن "أن هناك جزء ثاني من فيلم سهر الليالي".

وأضاف تامر حبيب خلال تصريحات صحفية ممازحا : " أنه كان مكسل إنه يقر ويعترف ويعلن عن الجزء الثاني وهيبقي فيه ٤ كابلز جداد" .

وفي وقت سابق ، استعاد السيناريست تامر حبيب ذكرياته مع فيلم تيمور وشفيقة" والانتقادات التي وجهت له من السيدات بسبب قصة الفيلم ونهايته.

وحكى تامر حبيب خلال لقائه في برنامج "التوليفة" مع الكاتب أحمد مراد عبر إذاعة ونجوم FM: "أنا اتهنت إهانة، اتمسح بكرامتي الأرض، من ستات مصر اللي شايلين قضية حرة أنا، لكن في ستات كانت تقولي هاتلي بس "تيمور"الحمش اللي يخلي باله مني وأنا أقعد في البيت منزلش منه".

اقرأ أيضا| تامر حبيب: أنا اتبهدلت بسبب فيلم "تيمور وشفيقة"

وتابع تامر حبيب: "أنا كنت كاتب نموذج من أصحابنا الراجل الحمش اللي بيفضل يقول متعمليش كذا وهما بيبقوا فرحانين، "شفيقة" كانت بترد وبتعمل اللي هي عايزاه في الآخر، بس لما جت فكرة أنها سابت الوزارة والله العظيم أنا لو أعرف أن دا هيحسوا بالمهانة أو هيتفهم من وراه إني عايز أرجع عصر سي السيد هغير النهاية، أنا مش عايز أكون الراجل اللي بيدعوا أن الست تتخلى عن أحلامها عشان خاطر حد، بس الفيلم خلص بخناقة مش أنها بتتخلى عن حاجة".


واختتم تامر حبيب كلامه: "كان دايما بيتعمل مقارنة مع فيلم "مراتي مدير عام" لكن الفكرة أن فيلم مراتي مدير عام" أحداثه كلها كانت بتدور في شركة، لكن في "تيمو وشفيقة" أنا كنت بتكلم عن الحب البريء بين الجيران".