محمد رمضان: مابغنيش في الأفراح حتى لو هاخد مليار دولار

كشف النجم محمد رمضان عن رفضه الغناء في حفلات الزفاف.

وقال محمد رمضان في لقاء تليفزيوني عبر موقع يوتيوب: "مش غرور ولا تكبر، أنا مابغنيش في أفراح، لو هاخد مليار دولار مغنيش في فرح، لأن أنا شركة كبيرة، هروح أتعزم واقعد في طاولة، ولو أغنيتي اشتغلت هقوم أرقص مع العريس والعروسة".

وأضاف محمد رمضان: "ده وضع أنا حطيت نفسي فيه واتعاملت بناء عليه، وحطيت خطة بناء عليه، ودفعت ضرايب وعملت ماركتينج لمحمد رمضان، أه ممكن حد يفهمها إني بقول على نفسه".

وتابع محمد رمضان: أنا لو مكانك، وصحيت من النوم لقيت واحد عامل أغنية بيقول "أنا في الساحة واقف لوحدي" وبالعنف دا، وبعد كدة بيغظني وبيقول لي نمبر وان ويضحك، ممكن مايعجبنيش لأنه مالوش مرجعية، إحنا نجومنا المطربين بيغنوا في عيد ميلاد في فرح لشركة، وانا تعاملت مع نفسي، كبراند، شركة كبيرة اسمها محمد رمضان.

محمد رمضان يتعاقد على عمل فني في رمضان 2025

يذكر أن الفنان محمد رمضان كشف عن تعاقده على عمل فني سيعرض في شهر رمضان المقبل، ولم يكشف أي تفاصيل تخص العمل، واكتفى بنشر صورة من التعاقد عبر حسابه الرسمي على "فيسبوك"، وعلق: "رمضان يجمعنا".