«أكتر واحد اتخم في اللي حواليه».. منة فضالي تثير الجدل على «إنستجرام»

أثارت الفنانة منة فضالي الجدل خلال الساعات الماضية بعد كشفها عن تعرضها للخيانة على يد أشخاص كانت تعتبرهم أصدقاء وعشرة عمرها.

وأوضحت منة عبر خاصية استوري على صفحتها الشخصية على انستجرام تفاصيل ما تعرضت له دون الكشف عن هوية هؤلاء الأشخاص قائلة :«أوعي تصدق بالصداقة عشرة العمر.. دول أكتر ناس غدارة ومؤذية وأول ناس تطعنك في ظهرك».

وتابعت قائلة :«كلمة عشرة العمر دي بقيت كتير على اللي يستاهلها والعيش والملح مبقاش ليهم مكان في الزمن ده.. كله بتاع مصلحته» مضيفة:«بس اللي يحزن لما تكون مأمّن ومش مخون وده ناتج إنك متربي كويس أوي بس اللي قدامك أصفر وسواد من جواه لأن هما كده أصلاً بس مكناش شايفينهم».

إقرأ ايضا: «جودر 2 والنص».. مسلسلات العودة إلى الماضي في رمضان 2025

واستكملت قائلة :«اللي عاوزة أقوله إني أكتر حد اتخم في اللي حواليه واللي كنت فاكرهم أصحاب هما أكتر ناس وجعوني وأذوني.. بس أنا مش هتغير هفضل زي ما اتربيت جدعة وصادقة ونظيفة وأبيض ومهما كان اللي حواليا عمري ما هتغير».

واختتمت رسالتها قائلة:«ربنا كبير أوي وكله مردود.. الحمد لله على نعمة التصالح مع النفس واكتفاء الذات» لتثير منة فضالي بهذه الرسالة كثير من أسئلة الجمهور حول هوية هؤلاء الأشخاص وهل هم أحد النجوم وأصدقاء الوسط الفني؟

مشاركة درامية

يذكر أن الفنانة منة فضالي تشارك في موسم دراما رمضان 2025 بمسلسل «سيد الناس» بطولة عمرو سعد وإلهام شاهين وأحمد رزق وخالد الصاوي وإنجي المقدم من تأليف خالد صلاح وإخراج محمد سامي.