تصدرت الإعلامية آلاء عبد العزيز التريند ومحركات البحث جوجل خلال الساعات القليلة الماضية، بعد نشرها مجموعة من الصور عبر صفحتها الشخصية الفيسبوك، وهي مرتدية الحجاب وأخرى بدونه وأرفقتها بصور للفنانة سعاد حسني من فيلم "بئر الحرمان".
وقالت: "جماعة أنا عاوزة أعترف لكم اعتراف، أنا مريضة بجد أنا مريضة حاليًا عندي حالة انفصام في الشخصية وانتكاسة ونوبة هوس.. دي مش أنا دلوقتي أنا آلاء عبد العزيز إلى بتتكلم معاكم التانية دي مش أنا.. أنا مش فاهمة حاجة ولازم أتعالج.. أنا بتدمر.. الشخصيه دي بتدمرني".
اقرأ أيضا: تفاصيل أزمة المذيعة آلاء عبد العزيز.. من الحجاب إلى الانفصام
ومن جانبه، قال الدكتور جمال فرويز، استشاري الطب النفسي في تصريح لـ" بوابة أخبار اليوم": "لا طبعًا مريض الانفصام بيبقى شايف نفسه طبيعي وشايف الأصوات اللي بيسمعها إنها أصوات طبيعية.. مريض الأنفصام يعاني من اضطرابات في التفكير بالإضافة إلى أنه يعاني من هلاوس سمعية وبصرية وحسية، وضلالات وأوهام اضطهادية وتعقبية وتتبع، وهذه كلها أمور طبيعية بالنسبة له، ما هو لو عارف إنها مش طبيعية كان طلب العلاج.. لأن ده بيبقى عنده حاجة اسمها فقدان الاستبصار بوجود المرض علشان كده بنسميه مرض عقلي".
وأضاف فرويز: "لو أنا مريض انفصام وبقول على نفسي كده يبقى في حاجة غلط، يمكن قصدها حاجة تانية لأن في حاجة تاني اسمها ازدواجية وانشقاق في الشخصية ودي حاجة غير الانفصام خالص، هو اضطراب هستيري بتيجي للشخص اللي بيتعرض لضغوط".
مشروبات الطاقة.. أضرار ومضاعفات خطيرة
«اللبن المتجمد أم القاطع».. أيهما أفضل للاستخدام
جددي في مطبخك.. طريقة تحضير فيليه اللحم بحشو الخضار
