محمد الشرنوبي: هنا الزاهد «تخض» في «إقامة جبرية»

تحدث الفنان محمد الشرنوبي عن تعاونه مع الفنانة هنا الزاهد في مسلسل إقامة جبرية" وأشاد بأدائها في العمل. وقال الشرنوبي خلال لقائه في برنامج "الراديو بيضحك مع فاطمة مصطفى عبر إذاعة "الراديو 9090": "هنا الزاهد من ألذ الناس اللي ممكن تتعامل معاهم، أحنا تقريبا اشتغلنا مع بعض من 10 سنين ومن ساعتها وإحنا أصحاب، اشتغلنا مع بعض "البيوت أسرار" تقريبا عملناه في 2014، وبعد كده اشتغلنا مع بعض في "حلوة الدنيا سكر" وبعد كده اشتغلنا بشكل غير مباشر في "بضع ساعات في يوم ما"، وبعد كده عملنا مع بعض المسلسل دا".

وتابع الشرنوبي: "وكل مرة كنت بشتغل مع هنا الزاهد كنت بنبسط وبحس أني بشتغل مع واحدة موهوبة وشاطرة ومجتهدة جدا وكل مرة بتفاجئني، بتطور من نفسها بشكل مش طبيعي وبتشتغل على نفسها وكل مرة بتكون أحلى من اللي قبلها وكانت الصراحة في "إقامة جبرية" تخض".



اقرأ أيضًَا | تركي آل شيخ يروج لمسرحية «بني آدم» لـ أحمد حلمي

مسلسل "إقامة جبرية" من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي تأليف أحمد عادل، وإخراج أحمد سمير فرج، وينتمي العمل إلى نوعيات مسلسلات الدراما النفسية، وتجسد فيه صابرين دور طبيبة نفسية لأول مرة، والمسلسل مكون من 10 حلقات.