قضت محكمة جنايات الجيزة، بمعاقبة المتهم بقتل صديقه الميكانيكي «سيد» بقرية البراجيل بالجيزة، انتقاما منه ظنا أنه السبب في فسخ خطوبته بالسجن المشدد 15 سنة عن تهمة القتل والسجن سنتين عن تهمة حيازة سلاح أبيض وغرامة 100ألف جنيه.
اقرأ أيضا| انفراد| حركة تنقلات محدودة لضباط مباحث القليوبية
وكشف أمر الإحالة من نيابة شمال الجيزة برئاسة المستشار تامر صفي الدين - المحامي العام الأول لنيابات شمال الجيزة، تفاصيل مثيرة حول جريمة القتل.
وتبين أن المتهم «حسام صابر خليل» قام في ليلة 2 مارس 2023 بدائرة مركز شرطة أوسيم في الجيزة بقتل المجني عليه "سيد حسين"، والذي كان خطيب خطيبته السابقة، عمدا مع سبق الإصرار على إثر خلافات بينهما حيث عقد العزم وبيت النية على الخلاص منه وتحين لزمان ومكان الجريمة، وما أن ظفر به باغته ضربا وخنقا فحبس أنفاسه بقطعة قماشية أحكمها حول عنقه.
كما اتهمت نيابة شمال الجيزة المتهم خلال أمر الإحالة، أنه رطم رأس المجني عليه بقوة في حجر حتى خارت قواه وليتيقن من وفاته وضع ذلك الحجر على صدره محدثا إصاباته المبينه بالتقرير والتي أودت بحياته، وسرق المنقولات والمبلغ المالي والأوراق المملوكين للمجني عليه بأن استولى عليها من بين طيات ملابسه عقب قتله.
وخلال التحقيقات قال المتهم: “كنت خاطب واحدة اسمها «رحاب» والعلاقة ما بينا كانت كويسه جدا، وبعد ٣ شهور لقيت تصرفاتها معايا اتغيرت، وطريقتها مبقتش حلوة خالص، وتكدب عليا في حاجات كتير، وساعات أقولها أروح معاكي في أي مكان ترفض مش زي الأول معايا.
كنت بحكي لـ «س ب» صاحبي في المغسلة، كل حاجه على انا و«رحاب» لما يكون ما بينا مشكلة، وفي يوم لقيت «سيد» صاحب المغسلة بيقولي رحاب خطيبتك رافعه بوست على الفيس بوك بتقول فيه «تم بحمد لله فشكلة خطوبتي» أنا استغربت جدا ورنيت عليها لقيتها حطت رقمي في البلوك”.
وأضاف المتهم: “قبل الجريمة بفترة واحنا الصبح لسه كنا فاتحين المغسلة، لقيته بيقولي (أنا رايح مع «رحاب» مشوار علشان هيا اتصلت عليه انا استغربت وقتها من اللي بيقولهولي وبعدين إيه علاقته بـ”رحاب" بالظبط، لغاية ما لقيته رجع على أذان العصر في نفس اليوم، فقولتله عملت إيه مع “رحاب” بالظبط قالي أنا كنت معاها في كذا مشوار وبعد كده خلصنا المشاوير وروحتها البيت، وأنا سكت مرضتش أرد عليه لغاية ما اليوم خلص وقفلنا المغسلة مع بعض بالليل متأخر بعد الساعة 10 مساء".
وتابع المتهم: “قولتله أنا عايزك في موضوع مهم نتكلم فيه، قالي نوصل ”محمد" الأول وبعدين نتكلم في اللي انت عايزة، وفعلا ركبنا الموتوسيكل بتاعي بس “سيد” هو اللي ساق، وأنا ركبت ورا “سيد" على طول، و"محمد ب" ركب ورايا ووصلنا لبيته في قرية البراجيل، واحنا راجعين قولتله أنت إزاي بتكلم “رحاب” اللي في الأصل خطيبتي من المفروض تستنى لغاية ما تنهي الموضوع ده وبعدين تتكلم معاها".
وأضاف: “لقيته بيرد عليا، قالي بقولك إيه اللي بينكم وبين بعضيكم أنا مليش دخل فيه، واللي أعمله ميخصكش يا حسام، رديت عليه وقولتله إزاي يعني مش في بينا عيش وملح، لقيته بيرد عليا ويقولي الملح داب والعيش كلته الكلاب فقولتله ده إزاي ده ياريس، شتمني بأبويا وأمي، رديت عليه الشتيمة، واقف بالموتوسيكل بتاعي ونزل منه نزلت وراه لقيته بيشتمني تاني”.
واختتم المتهم: “قولتله أنا اتخنقت منك ومسك فيا من فوق هدومي فمسكت فيه، فوقع على الحجر بوشه وأنا وقعت من فوق منه بس وشي لضهره، قمت عدلته على ضهره لقيت وشه كله جاب دم وبالذات من مناخيره والحجر اللي وقع عليه لقيته برضوا فيه دم وقعدت أزق في الحجر، لغاية ما الحجر بقى فوق صدر سید، وبعد كده حطيت ايدي في جيوبه وجدت التليفون بتاعه والفلوس وبطاقته ورخصه بتاعت الموتوسيكل كانت في جيبه، وركبتها ومشيت على طول”.
السيطرة على حريق نشب بمصنع سيارات بمنطقة برج العرب غرب الإسكندرية
السجن المشدد 3 سنوات للمتهم بالتعدي على صغير بالبحيرة
خلص عليها ودفنها خلف المنزل.. الإعدام للمتهم بإنهاء حياة زوجته في البحيرة
