كاد أن يسبب لها اختناق.. شهيرة تتصدر التريند بقصتها مع «فص ثوم»

كشفت الفنانة شهيرة عن تفاصيل أزمة صحية مفاجئة تعرضت لها بسبب فص ثوم كاد ان يسبب لها حالة إختناق.

وكتبت شهيرة عبر صفحتها الشخصية على فيسبوك تفاصيل الأزمة قائلة :« أنا من أيام قالتلي اللي بتساعدني في البيت يا مدام ماتخدي كل يوم واحدة ثوم علي الريق تقوي المناعة وأنا سمعت الكلام وبقالي يومين بعمل كده» مضيفة :«النهاردة التومه كانت كبيرة فقسمتها نصين وبلعت نص وهنا الموضوع».

وتابعت قائلة:«فجأه لقيت نص التومة دي وقفت مابين الحلق والبلعوم وشربت زجاجة مياه عشان تنزل مافيش فايده فضلت راحه جاية مش عارفة انزلها أزاي وشربت حاجه سخنة مرة وأتنين واحاول أبلعها وهي رافضة» مستكملة :«إنزعجت وخاصة إني لوحدي و بقيت مش عارفة اعمل إيه لأن مكانها حاسه فيه بألم وشبه خنقه».

إقرأ ايضا: في ذكرى ميلاده.. الوجه الآخر لـ«طلعت زكريا» بعيدا عن الكوميديا 

واوضحت شهيرة :«فضلت كده لمدة اكتر من نص ساعة وبعد محاولات تحركت من مكانها ونزلت في معدتي.. قلت ياااه الحمد لله شكرا يارب بقي نصف فص ثوم يلخبط كيان الإنسان كده وإحنا رايحين جايين بنبلع عادي كأنها أجهزه المفروض إنها تشتغل عادي لأ دي بتشتغل مش عادي دي بأذن ورحمه ربنا بينا».

واختتمت حديثها قائلة:« يارب إحنا لازم نشكرك علي نعمك التي لا تعد ولا تحصى..طبعا مكانها لسه فيه ألم من كثرة محاولات البلع الفاشلة ولكن شكرا لك يارب علي نعمة البلع التي من نعمك العظيمة التي تعطيها لنا من غير حول ولا قوة منا والحمد لله».