كشف المخرج رامي عادل إمام عن تفاصيل الحالة الصحية للزعيم عادل إمام، مؤكدًا أن تدهور حالة والده الصحية ليست الشائعة الأولى التي يسمعها عنه، مشيرًا إلى أن العائلة أصبحت معتادة على مثل هذه الشائعات.
وأوضح رامي قائلاً:«أنا مش بطلع أطمن حد لأن الحمد لله هو مفيش حاجة وكلها إشاعات طول الوقت احنا بنسمعها ودا عادي احنا اتعودنا على دا» مضيفًا :«من أول ما كنت أنا صغير وسارة أختي ومحمد طول الوقت متعودين على الشائعات».
وتابع خلال لقائه مع «et بالعربي» قائلاً:«إحنا مثلا كنا نروح نسكن في شقة صغيرة فجأة يقولك العمارة دي بتاعة عادل إمام.. نروح نسكن في حته فوق مطعم يقولوا المطعم بتاع عادل إمام.. طول عمرنا متعودين على كده والحمد لله إحنا بقى عندنا مناعة».
إقرأ ايضا: فيلم عربي وحيد.. تعرف على القائمة المختصرة لـ«جوائز الأوسكار 2025»
ونفى رامي إمام كل ما يثار حول الحالة الصحية لعادل إمام، مؤكدًا على أن صحته جيدة ويقضي وقته مستمتعًا مع أحفاده قائلاً:«طبيعي مع مرور الزمن الإشاعات نفسها بتاخد شكل مضخم على السن فيقولك ده كبر فده تعبان، وهو الحمد لله كويس جدًا جدًا وبيستمتع مع أحفاده وأولاده».
واختتم حديثه قائلًا:«مفيش أي حاجة وكل دي إشاعات والناس عارفة والجمهور عارف كل حاجة وطبعاً بيسمع الإشاعات وبيتأثر بيها بشكل كبير لكن هو فاهم كويس أوي ايه اللي بيتقال وازاي وعشان خاطر ايه».
مسرحية الباشا
يذكر أن المخرج رامي إمام ينتظر حاليًا عرض مسرحية «الباشا» من بطولة كريم عبد العزيز وهنا الزاهد، والمقرر عرضها ضمن فعاليات موسم الرياض في الفترة من 25 ديسمبر وحتى الأول من يناير عام 2025.
عمر خيرت مع منى الشاذلي في كواليس حفله بـ «لندن».. قريباً
غضب تامر عبد المنعم من شائعة وفاته.. ويتخذ إجراءات قانونية
لقاء مي عز الدين مع إسعاد يونس في صاحبة السعادة يحقق 350 مليون مشاهدة
